Juan 15:5 - Maung A Balita Biblia

⁵ “Siak so sengeg na ubas, sikayo ray sanga. Say mansiansiad siak tan siak ed sikato, mambungay dakerakel. Ta no andi ak, anggapoy nagawaan yo.

Maung a Balita Biblia

⁵ Siak so sengeg na ubas, sikayo ray sanga. Say mansiansiad siak tan siak ed sikato, mambungay dakerakel. Ta no andi ak, anggapoy nagawaan yo.

Juan 15:5 Iomraidhean Croise

Probirbio 11:30

Bilay so iiter na katonungan, balet eekalen na inkaruksa.

Oseas 4:8

Minmayaman kayo lapud saray kasalanan da ray totook, kanyan labalabay yon ompalaloy kasalanan da.

Mateo 13:21

Balet ag onlalamut tan ag mansiasiansiad puso ra. Kanyan no onsabi lay kairapan a sikara lay napasegsegang makasengeg ed salitay Dios, bigla met la ran ombetel.

Juan 12:24

Ibagak ed sikayoy katwaan: no ag napelag ed dalin so sakey a bokel na trigo tan ompatey, mansiansian saksakey. Balet no ompatey, mambungay dakel.

Juan 15:16

Ag yo ak pinili; pinili tan tinoro ta kayon onla tan mambungay maando. Diad ontan, iter na Ama so amin a bengatlan kerewen yod ngaran ko.

Juan 5:19

Kanyan imbaga nen Jesus ed sikara, “Ibabagak ed sikayoy katwaan: say Anak ag makapanggaway antokaman a sikaton dili labat. Gagawaen to labat so nanenengneng ton gagawaen na Ama to. No antoy gagawaen na Ama, ontan met so gagawaen na Anak.

Juan 9:33

Anggapoy nagawaan to man a too no ag nanlapud Dios.”

Saray Gawgawa 4:12

Diad sikato labat so pakalmoay kilalaban, ta anggapoy arum a ngaran ya inter na Dios ed saray katoowan diad intiron mundo a nepeg tayon kilabanan.”

Saray Taga Roma 12:5

Ontan met, anggaman ya amayamay tayo, saksakey tin laman diad pikakasakey tid Cristo. Nandoroma itayon kabyangan, balet nantetekep itayod sakey a laman.

Saray Taga Roma 6:22

Balet natan ta nablus ki lad kasalanan tan aripen ki lay Dios, say agunggona yo say masanton bilay a mansumpal ed bilay ya andi-anggaan.

Saray Taga Roma 7:4

Ontan met, agagi, no say Ganggan so pantotongtongan inatey kayo la, ta kabyangan ki lay laman nen Cristo; tan mikakasakey ki lad sikato a pinaolid bilay, pian dakel iray nagawaan tayon maung a bengatlan nipaakar ed Dios.

1 CORINTO 10:16

Aliwa kasin say iyiinom tayod kupa na bindision a pisasalamatan tayod Dios et pinanabang ed dala nen Cristo? Tan say papangan tayoy tinapay a pipisagen tayo et pinabang ed laman nen Cristo?

1 CORINTO 12:12

Si Cristo et singa sakey a laman ya amayamay so kabyangan to; anggaman a titibokeley nandoroman kabyangan, saksakey ni lamlamang yan laman.

1 CORINTO 12:27

Amin yo sirin et saksakey a laman nen Cristo, tan balang sakey et kabyangan to.

2 CORINTO 13:8

Ta ag kami makapanggaway bengatlan sumlang ed katwaan, no ag ingen say para katwaan labat.

2 CORINTO 9:10

Say Dios a mangiiter na bokel ed tumatanem tan say tinapay a nakan et iter to met so bokel a nakaukolan yo, tan pabalegen to ni pian makaani kayoy daakan manlapud inkabonluk yo.

TAGA GALACIA 5:22

Balet say bungay Ispiritu et aro, liket, deen, anos, panangasi, kaabigan, katooran,

TAGA-EFESO 5:9

Ta say silew so mangiiter na amin a klasi na kamaungan, katonungan, tan katwaan.

FILIPOS 1:11

Napano kid satan na matonung iran kagagawa a si Jesu-Cristo labat so makapangiter, a pakagalangan tan pakadayewan na Dios.

FILIPOS 4:13

Nayarian kon gawaey amin a bengatla, lapud Cristo a mamapabiskeg ed siak.

FILIPOS 4:17

Aliwan say labay ko labat so makaawat na rigalo, no ag say pakanengneng koy idakel na bungan awaten yo.

COLOSAS 1:10

Diad ontan, makapambilay kayon onung ed linawa na Katawan, tan magmaliw kayon makapalikliket ed sikato. Makapambunga ki met ed satan na amin a klasiy maung iran gawa, tan ombaleg so pakapikabat yod Dios.

COLOSAS 1:6

Say Maung a Balita et onkakayat tan mangiiter na bindision ed sankamundoan, a singa agawad sikayo nen inmonan nadngel tan atalusan yoy katwaan na panangaroy Dios.

Santiago 1:17

Nanlapud tawen so balang maung tan nagnap a langkap; nanlapud Ama ya amalsad amin a liwawa. Sikatoy ag mangoman tan ag met panlapway bilonget diad ibeneg to.

1 Pedro 2:4

Singger kayod Katawan, say baton mabilay ya imbantak na totoo, balet pinili na Dios tan mabmablid pakanengneng to.

2 Pedro 3:18

Ituloy yo ingen so ombaleg ed panangaro tan pakapikabat ed Katawan tan Manangilaban tayon Jesu-Cristo. Kayaryan to komuy kagalangan, natan tan ando lan ando! Amen.