Juan 15:14 - Maung A Balita Biblia

¹⁴ Kakaaro ta kayo, no onuren yo ray ganggan ko.

Maung a Balita Biblia

¹⁴ Kakaaro ta kayo, no onuren yo ray ganggan ko.

Juan 15:14 Iomraidhean Croise

1 Saray Arari 4:5

Say manona ed saray gobirnador na distrito: si Asarias a lakin anak nen Natan Say sumisimbawa na ari: si Zabud a pari tan anak nen Natan

2 Saray Arari 18:6

Matoor ed Katawan, ag ton balut sinumlang, no ag ingen inapiapiger ton inonur ya amin iray ganggan ya inter na Katawan ed kinen Moises.

2 Saray Awaran 20:7

Sika so Dios mi. Nen saray totoom ya Israelita et linma rad sayan dalin, pinataynan mo ray totoon manaayam dia, insan inter mon kayaryan lan anggad angga na saray kabyangay boleg nen Abraham a kaarom.

Exodo 7:6

Sinumpal di Moises tan Aaron so ingganggan na Katawan ed sikara.

Probirbio 18:24

Wala ray totoon konkonwarin kaaro, balet saray arum a kaaro matoor ira nen saray dilin agagi.

Kanta nen Solomon 5:1

Linmoob ak la ed tanamanan ko, O inarok, O nobiak. Manaala ak na saray tanaman kon balsamo tan mira; manaakan ak na dilok ed obung na bayaung; oniinom ak na alak ko tan say gatas ko. Mangan tan inom kayo, sikayo ran manangaro, anggad nabuek kayo na aro!

Isaias 41:8

“Balet sikayo, Israelitan aripen ko, sikayo ray totoon pinilik saray kabyangay boleg nen Abraham a kaarok.

Jeremias 32:23

Balet nen akakar irad sayan dalin tan kinayaryan da, ag da inonur iray ganggan mo odino nambilay onung ed bangat mo; ag da sinumpal so antokaman a pagagawam ed sikara. Sikato yay makasengeg no akin et inyakar mod sikara yan amin a deral.

Ezekiel 12:7

Ginawak imay imbagad siak na Katawan. Diad saman ya agew nambalkut ak a singa gawaen na sakey ya adakep ya ibantak ed arum a bansa, tan diad saman a labi nen ombibilonget la binongaw na limak so padir tan pinmaway ak. Legan ya iimatunan ak na balang sakey a too, sinakbat ko may balkut ko tan amikal ak la.

Mateo 12:50

Ta siopamay manggaway linawa na Amak a walad tawen, sikatoy agik, sikatoy inak.”

Lucas 12:4

“Kuankod sikayo, kakaarok, ya ag yo tatakotan iray mamatey na laman, balet kasumpal to et anggapo lay nagawaan da a lalon maoges.

Juan 13:17

Natan ta amta yo la ra ya, maliket kayo na gawaen yo ra.

Juan 14:15

“No inaro yo ak, onuren yo ray ganggan ko.

Juan 14:21

“Say mangawat na saray ganggan ko tan onuren to ra, sikato so mangarod siak. Aroen na Amak so toon mangarod siak; sikatoy aroen ko met tan ipaamtak so inkasiak ed sikato.”

Juan 14:28

Nadngel yon imbagak ed sikayo, ‘Ontaynan ak, balet pawilen ta kayo.’ No inaro yo ak, panliketan yoy iyakar kod Ama, ta matalonay Ama nen say siak.

Juan 2:5

Imbagay ina tod satan ed saray katulong, “Onur yoy antokaman ya ibaga to.”

Santiago 2:23

Tinmua so ibabagay Masanton Sulat, “Si Abraham anisiad Dios, tan lapud pananisia to, say Dios impasen ton matonung.” Sikato ni ingey atawag a kaaroy Dios.

1 Juan 5:3

Ta say pangarod Dios kabaliksan toy pangonur tayod saray ganggan to. Et aliwan mairap ya onuren iray ganggan to,

Ruth 3:6

Linma sirin si Ruth ed panagilikan tan ginawa toy amin ya imbaga nen katolangan to.