Juan 14:4 - Maung A Balita Biblia

⁴ Amta yo lay dalan a mamaarap ed laen ko.”

Maung a Balita Biblia

⁴ Amta yo lay dalan a mamaarap ed laen ko.

Juan 14:4 Iomraidhean Croise

Lucas 24:26

Ag ta nakaukolan a panirapan na Cristo ira yan amin kasakbayan a nagamuran toy mapagalang a kipapasen to?”

Juan 10:9

Siak so puirta. Nilaban so siopaman ya onloob ed panamegley ko; onloob tan ompaway, et makalmoy pankabkaban to.

Juan 12:26

Siopamay manlingkur ed siak, nepeg to ak a tombuken, ta no iner so kawalaan ko diman met so kawalaan na aripen ko. Pagalangan na Amak so siopaman a manlingkur ed siak.”

Juan 13:3

Amta nen Jesus ya inter na Ama ed sikato so amin a bengatla, tan kabat to met a sikatoy nanlapud Dios tan ompawil ed Dios.

Juan 14:2

Dakel so napanayaman ed abung nen Amak, et onla ak a mangiparaan na panayaman yo. No aliwa yan tua, ag ko ya komun imbagad sikayo.

Juan 14:28

Nadngel yon imbagak ed sikayo, ‘Ontaynan ak, balet pawilen ta kayo.’ No inaro yo ak, panliketan yoy iyakar kod Ama, ta matalonay Ama nen say siak.

Juan 14:3

Kayariy iyakar ko tan pangiparaan koy panayaman yo, ompawil ak dia, tan awiten ta kayo pian manayam kayo ed kawalaan ko.

Juan 14:5

Tinepet nen Tomas ed sikato, “Katawan, ag mi amtay laen mo, panoy pakaamta miy dalan?”

Juan 16:28

Nanlapu ak ed Ama tan linma ak diad mundo. Natan balet taynan ko lay mundo tan ompawil ak lad Ama.”

Juan 3:36

Say manisiad Anak walay bilay ton andi-anggaan, balet say ag mangonur ed Anak ag nawalaay bilay—mansiansia ingey pasnuk na Dios ed sikato.

Juan 6:40

Ta saya so linawa na Amak: amin a makanengneng tan manisiad Anak, nawalaan na bilay ya andi-anggaan. Paolien ko rad bilay ya amin diad kaonuran ya agew.”