Juan 14:31 - Maung A Balita Biblia

³¹ Balet pian naamtaan na sankamundoan ya inarok so Ama, oonuren ko ray amin a ganggan tod siak. “Alagey kayo. Tila la!”

Maung a Balita Biblia

³¹ Balet pian naamtaan na sankamundoan ya inarok so Ama, oonuren ko ray amin a ganggan tod siak. Alagey kayo. Tila la!

Juan 14:31 Iomraidhean Croise

Saray Salmo 40:8

Agaylay liket kon mangoonur na linawam, O Dios ko! Yaatul kod pusok so bangat mo.”

Isaias 50:5

Say Katawan initdan to ak na pakatalus, et ag ak linmaban ed sikato odino inarawian ko.

Mateo 26:39

Kaarawi toy daiset, dinmakmomo a sinmabid dalin so lupa to tan nampikasi, “Amak, no nayari komun, ipaliis mo siak yan kupay kairapan! Balet aliwan say linawak, no ag ingen say linawam, so nasumpal.”

Mateo 26:46

Bangon kayo, ta onla ti la. Wadya lay toon mantraidor ed siak!”

Lucas 12:50

Wala niy binyag a nepeg kon awaten, et nagunigon ak a maung ya anggad pakaawat ko!

Juan 10:18

Anggapoy makaekal na bilay ko, balet isaklang kon manlapud siak a dili so bilay ko. Walay pakayarik a mangiter tan mamawiy bilay ko. Ingganggan nen Amak yan gawaen ko.”

Juan 12:27

“Nagugunigon ak natan; anto kasiy ibagak? Ikuanko kasi, ‘Ama, ilaban mo ak ed oras na panliknak na kairapan’? Andi, ta say panliknak na kairapan so inakaran ko dia.

Juan 12:49

On, lapud ag ak nansalitad pakaoley kon dili. Say Ama ya angibakid siak so angiganggan no antoy nepeg kon salitaen tan ibaga.

Juan 13:1

Bispiras la na Paskua. Amta nen Jesus a sinmabi lay oras na itaynan tod sayan mundo tan ipawil tod Ama. Inaro to ray totoo ton wadyad mundo, tan inaro to ra ya anggad kasamputan.

Juan 15:9

No panoy panangaroy Ama ed siak, ontan met so panangarok ed sikayo; mansiansia kayod arok.

Juan 18:11

Inkuanen Jesus ed Pedro, “Ikaluban mo tay ispadam. Ag ko ta nepeg ya inomen so kupay kairapan ya inter na Ama ed siak?”

Juan 4:34

Inkuanen Jesus ed sikara, “Say kanen ko say pangonur koy linawa na angibakid siak tan say panumpal koy kimey a pagagawa tod siak.

FILIPOS 2:8

Nampaabeba tan maonur ya anggad patey— on, anggad ipapatey ed krus.