Juan 14:15 - Maung A Balita Biblia

¹⁵ “No inaro yo ak, onuren yo ray ganggan ko.

Maung a Balita Biblia

¹⁵ No inaro yo ak, onuren yo ray ganggan ko.

Juan 14:15 Iomraidhean Croise

2 Saray Arari 18:6

Matoor ed Katawan, ag ton balut sinumlang, no ag ingen inapiapiger ton inonur ya amin iray ganggan ya inter na Katawan ed kinen Moises.

Mateo 10:37

“Siopamay babaleg so panangaro tod ama o ina to nen say panangaro tod siak et ag manepeg ed siak. Ontan met, siopamay babaleg so panangaro tod anak ton laki o bii nen say panangaro tod siak, ag manepeg ed siak.

Juan 8:42

Inkuanen Jesus, “No tuan say Dios so ama yo, aroen yo ak komun, ta nanlapu ak ed Dios tan natan wadya ak. Ag nanlapud siak a bukor so inyakar ko dia, no ag ta imbaki ak na Dios.

1 CORINTO 16:22

Naayew so siopaman ya ag mangaarod Katawan! Marana tha—Katawan mi, onsabi ka la komun!

TAGA GALACIA 5:6

Ta diad saray mikakasakey ed Cristo Jesus, anggapo lay kakanaan na pampasegat o ag pampasegat. Say manona et say pananisian nanengneng a mankikimey lapud aro.

TAGA-EFESO 6:24

Nawalaan kayo komuy bindisioy Dios, amin yon say panangaro yod Katawan tayon Jesu-Cristo et ag ompatey.

1 Pedro 1:8

Anggaman ya ag yo anengneng, aaroen yo. Anggaman ya ag yo nanenengneng natan, manisia kayod sikato. Kanyan manlepwad puso yoy baleg a liket ya ag nayarin ibalikas,

2 Juan 1:6

Say kabaliksan na aron sasalitaen ko et say pambilay tayon onung ed saray ganggan na Dios. Say ganggan a nadngel yo lan nanlapud gapo et saya: nepeg a mambilay kayod aro.