Juan 14:13 - Maung A Balita Biblia

¹³ Antokaman a kerewen yod ngaran ko, gawaen ko, pian nipatnag so kagalangay Ama diad panamegley na Anak.

Maung a Balita Biblia

¹³ Antokaman a kerewen yod ngaran ko, gawaen ko, pian nipatnag so kagalangay Ama diad panamegley na Anak.

Juan 14:13 Iomraidhean Croise

Mateo 21:22

No walay pananisia yo, naawat yoy antokaman a kerewen yod pikakasi yo.”

Mateo 7:7

“Kerew kayo, et naitdan kayo. Mananap kayo, et makalmo kayo. Toktok kayo, et nalokasan a para sikayo so puirta.

Marcos 11:24

Kanyan kuankod sikayo ya antokaman a kerewen yod pikakasi yo, manisia kayo ya andi-saew a naawat yo et niiter ya amin ed sikayo.

Lucas 11:9

Kanyan kuankod sikayo: Kerew kayo, et naitdan kayo. Mananap kayo, et makalmo kayo. Toktok kayo, et nalokasan para sikayo so puirta.

Juan 10:30

Siak tan say Ama, saksakey kami.”

Juan 12:44

Inkuanen Jesus ed maksil a bosis, “Say toon manisiad siak et, aliwan siak et labat so panisiaan to, no ag ingen pati say angibakid siak et.

Juan 13:31

Kataynan nen Judas, inkuanen Jesus, “Nipatnag la natay kagalangay Anak na Too, tan napagalangay Dios met natan diad panamegley to.

Juan 14:14

No onkerew kayoy antokaman ed ngaran ko, gawaen ko.”

Juan 14:6

Inmebat si Jesus, “Siak so dalan, say katwaan, tan say bilay; anggapoy toon makaonlad Ama no ag diad panamegley ko.

Juan 15:16

Ag yo ak pinili; pinili tan tinoro ta kayon onla tan mambungay maando. Diad ontan, iter na Ama so amin a bengatlan kerewen yod ngaran ko.

Juan 15:7

No mansiansia kid siak tan mansiansiad sikayo ray salitak, kerew kayo na antokaman a labay yo, et nagamuran yo.

Juan 16:23

“No onsabiy tan ya agew, ag kayo onkerew ed siak na antokaman. Ibabagak ed sikayoy katwaan: iter na Ama so antokaman a kerewen yod sikato diad ngaran ko.

Juan 16:26

No onsabi yan agew, onkerew kayod sikato diad ngaran ko; et ag ko ibagad sikayo ya ipikasi ta kayod Ama,

Juan 16:7

Balet nepeg yon naamtaay katwaan a pankaabigan yoy itaynan ko, ta no ag ak ontaynan, ag onsabid sikayoy Mananulong; balet na ontaynan ak, ibakik so Mananulong ed sikayo.

Juan 4:10

Inmebat si Jesus, “No amtam labat so iter na Dios tan no kabat mo no siopay mikekerew ed sika na inomen, miala kad sikato angangko et itdan to kay mabilay a danum.”

Juan 4:14

“balet ag lan balut naapgaan so siopaman ya oninom na danum, ya iter ko. Ta say danum ya iter kod sikato magmaliw a sobul ed loob to a mangiter ed sikatoy mabilay a danum tan bilay ya andi-anggaan.”

Juan 5:19

Kanyan imbaga nen Jesus ed sikara, “Ibabagak ed sikayoy katwaan: say Anak ag makapanggaway antokaman a sikaton dili labat. Gagawaen to labat so nanenengneng ton gagawaen na Ama to. No antoy gagawaen na Ama, ontan met so gagawaen na Anak.

Juan 7:37

Diad kaonuran tan manona ya agew na pista, inmalagey si Jesus tan kuantod maksil a bosis, “Siopamay napgaan nepeg toy ondagod siak tan oninom.

1 CORINTO 14:13

Lapud saya, say mansalitay nandoroman salita nakaukolan a mampikasi a naitdan met komun na langkap a mangipatalus ed salitaen to.

TAGA-EFESO 2:18

Lapud si Cristo, Judio man o Hintil itayo, makaasingger tin amin ed Ama diad panamegley na sakey ya Ispiritu.

TAGA-EFESO 3:12

Lapud panamegley na pikakasakey tan pananisia tid sikato, walay pankanawnawa tan biskeg na linawa tayon onsingger ed Dios.

TAGA-EFESO 3:14

Lapud saya, ontatalimukor ak ed arap na Ama

FILIPOS 4:13

Nayarian kon gawaey amin a bengatla, lapud Cristo a mamapabiskeg ed siak.

COLOSAS 3:17

Antokaman sirin a gawaen o salitaen yo, gawa yo ran amin diad ngaran na Katawan a Jesus, tan diad panamegley to, misalamat kayod Dios Ama.

Saray Hebreo 13:15

Kanyan mangibagat tayo lawas na dayew ed Dios diad panamegley nen Jesus—dayew a mangibawag na pamirbir tayod ngaran to.

Saray Hebreo 4:15

Sayan Pangulon Pari tayo walay pililikna tod saray kakapoyan tayo, ta asali ton singa sikatayo so amin a klasiy tukso, balet ag nankasalanan.

Saray Hebreo 7:25

Kanyan nayarian ton ilaban, natan tan lawas, iray onsingger ed Dios diad panamegley to, ta mabilay lawas a mikasin para sikara.

Santiago 1:5

Balet no walad sikayoy kulang na kakabatan, nepeg toy mikerew ed Dios tan naitdan, ta say Dios maliket tan mabonbonluk a mangiiter ed amin a katoowan.

Santiago 5:16

Kanyan mampapatwaan kayo ray kasalanan yo, tan mampipikasiyan kayo, pian onabig kayo. Dakel so nagawaay pikakasi na toon matonung.

1 Pedro 2:5

Singger kayon singa mabilay iran bato, tan paikana kayo ed panggaway maispiritun timplo. Magmaliw kayon masanto a papari ed sayan timplo tan mangyapay kayoy maispiritu tan makapaliket iran bagat ed Dios diad panamegley nen Jesu-Cristo.

1 Juan 3:22

Awaten tayo ray amin a kerewen tayod sikato, ta oonuren tayo ray ganggan to tan gagawaen tayo ray makapaliket ed sikato.

1 Juan 5:14

Mataletalek itayon onaasingger ed Dios, ta amta tayo a dengelen to tayo no onkerew itayod sikato na bengatlan ag onsumpa ed linawa to.