Juan 14:12 - Maung A Balita Biblia

¹² Ibagak ed sikayoy katwaan: siopamay toon manisiad siak gawaen to ray gagawaen ko, tan lalon dakel ni ingen ta onla ak ed Ama.

Maung a Balita Biblia

¹² Ibagak ed sikayoy katwaan: siopamay toon manisiad siak gawaen to ray gagawaen ko, tan lalon dakel ni ingen ta onla ak ed Ama.

Juan 14:12 Iomraidhean Croise

Mateo 21:21

Inmebat si Jesus, “Tandaan yo ya! No manisia kayo tan anggapoy duaruwa yo, nayarian yon gawaen so ginawak ed sayan igos. Aliwan satan labat, nayarian yo nin ibagad sayan palandey, ‘Alis kad tan, tabuy kad dayat,’ et nagaway imbaga yo.

Marcos 11:13

Diad ag arawi anengneng toy mabolubolung a kiew ya igos. Inmasingger a mananap na bunga, balet kabolubolung lapud aliwa nin panagbungay igos.

Marcos 16:17

Saray mananisia naitdan ira na saray tanda na pakayari: papawayen da ray dimonyo ed ngaran ko; mansalita ray nandoroman salita;

Juan 14:28

Nadngel yon imbagak ed sikayo, ‘Ontaynan ak, balet pawilen ta kayo.’ No inaro yo ak, panliketan yoy iyakar kod Ama, ta matalonay Ama nen say siak.

Juan 16:7

Balet nepeg yon naamtaay katwaan a pankaabigan yoy itaynan ko, ta no ag ak ontaynan, ag onsabid sikayoy Mananulong; balet na ontaynan ak, ibakik so Mananulong ed sikayo.

Juan 4:37

Ta diad saya nasumpal yan salita: ‘Sakey so mantanem, tan sananey so manani.’

Juan 5:20

Ta inaro na Ama so Anak, kanyan ipapanengneng tod sikatoy amin a gagawaen to. Ipanengneng ni na Ama so lalon ankakabaleg a pakelaw ed Anak, pian onkelaw kayo.

Juan 7:33

Inkuanen Jesus, “Nakaiba yo ak nin magano, insan ak la ompawil ed samay angibakid siak.

Juan 7:39

Diad saya, say labay ya ibaga nen Jesus et say Ispiritu ya awaten na saray manisiad sikato. Ag ni niiter ed saman so Ispiritu, ta ag ni inatey tan inmolid bilay si Jesus.

Saray Gawgawa 10:46

Ta arengel da a saray Hintil et mansasalita ray nandoroman salita tan mangidadayew irad Dios. Kanyan inkuanen Pedro,

Saray Gawgawa 16:18

Ginagawa to yan pigay agew la, anggad naoputan lay anos si Pablo. Pinmoliktar tan inkuantod samay maoges ya ispiritu, “Diad ngaran nen Jesu-Cristo, igaganggan kod sikan ekal kad sayan bii!” Tampol ya inmekal imay ispiritu.

Saray Gawgawa 19:12

Anggan saray panyo tan tapitapi a nidiwit ed laman to inyaakar dad saray mansasakit, et inmaabig ira tan inmeekal ed sikaray maoges iran ispiritu.

Saray Gawgawa 2:33

Niatagey ed nikawanay Dios, tan inawat toy Ispiritu Santo ya insipan na Ama to. Inter nen Jesus yan Ispiritu Santo ed sikami, onung na nanenengneng tan narerengel yo natan.

Saray Gawgawa 2:41

Kanyan saramay anisiad impulong to, nampabinyag ira. Diad saman ya agew, sakey a talon libon totoo so niarum ed bilang da ray mananisia.

Saray Gawgawa 4:16

“Antoy gawaen tayod sarayan totoo?” tepet da. “Kabat na amin a totood Jerusalem a ginawa ra yan makapakelkelaw a milagro. Ag tayo ya napaandin agawa!

Saray Gawgawa 4:33

Intuloy na saray apostol so manggawa na saray milagro a pamaneknek da ed inkiolid bilay nen Jesus a Katawan. Inter na Dios ed sikaran amin so bindision ton ag nasabsabaan.

Saray Gawgawa 4:4

Anggaman ontan, amayamay ed saray akadngel na impupulong da so anisia. Diad sarayan anisia, sakey a liman libo la ray lalaki.

Saray Gawgawa 5:15

Lapud gagawaen da ray apostol, saray totoo impaparokul dad saray dalagan tan ikamen iray mansasakit tan inyaakar da rad daladalan, pian saray arum ed sikara et naaninoan labat nen Pedro no onlabas.

Saray Gawgawa 6:7

Kinmayat lan kinmayat so salitay Dios, tan diad Jerusalem dinmakel lan dinmakel iray mananisia. Amayamay iray pati paparin anisia.

Saray Gawgawa 8:7

Ta amayamay iray maoges ya ispiritun pinmapaway ed saray inaaponan dan totoo, tan naniingal iran pinmapaway. Amayamay met iray inmaabig a lopuy tan piley.

Saray Gawgawa 9:34

“Eneas,” inkuanen Pedro, “paabigen ka nen Jesu-Cristo. Bangon ka tan sinup moy dokulan mo.” Binmangon a tampol si Eneas.

Saray Gawgawa 9:40

Pinapaway nen Pedro ran amin, insan nantalimukor a nampikasi. Inarap to may bangkay, insan inkuanto, “Tabita, bangon ka!” Minmorikat, et nen anengneng toy Pedro, inmirung.

Saray Taga Roma 15:19

say pakayari da ray tanda tan milagro, tan say pakayari na Ispiritu Santo. Kanyan diad impambiahik nanlapud Jerusalem ya anggad Ilirico, nipulong ko lan sigput so Maung a Balitan nipaakar ed Cristo.