Juan 13:27 - Maung A Balita Biblia

²⁷ Kapangawat nen Judas na tinapay linmoob si Satanas ed sikato. Inkuanen Jesus ed sikato, “Gawam lan tampol so labay mon gawaen!”

Maung a Balita Biblia

²⁷ Kapangawat nen Judas na tinapay linmoob si Satanas ed sikato. Inkuanen Jesus ed sikato, Gawam lan tampol so labay mon gawaen!

Juan 13:27 Iomraidhean Croise

1 Saray Arari 18:27

Nen kaagewan la ginapwan nen Elias a lureyen ira, “Ikasil yoy mampikasi! Sikatoy sakey a dios! Ompano mankokogip, odino mampapainawa, odino walay nila to! Odino ompan nanaogip, kanyan nepeg yon bangonen!”

Saray Salmo 109:6

Mamili ka pay sakey a toon manintinsiad kalaban ko, tan ipaakusam pad sakey ed saray dilin kalaban to.

Probirbio 1:16

Magangganat iran manggaway kaogsan. Mammainomay day mamatey.

Ecclesiastes 9:3

Nampapara so nagagawa ed amin a too, et sikato yay makapoy a nagagawa, a singa amin a nagagawa diad mundo. Legan a mambibilay iray totoo, mannununot ira lawas na kaogsan tan kambagelan, et kabebekta ompatey ira.

Daniel 2:15

tan tinepet tod kinen Arioc no akin et impaakseb na ari imay maruksan ganggan. Kanyan imbaga nen Arioc ed kinen Daniel so agawa.

Mateo 12:45

Onlad satan a mangawit na pitoran ispiritu a lalon maoges nen say sikato, tan kaiba to ran manayam diman. Lalon maoges so kipapasen to yan too nen say gendat. Onya met so pagmaliwan da ray maoges a totoo ed sayan panaon.”

Mateo 4:10

Inkuanen Jesus, “Ekal ka dia, Satanas! Ta ibabagay Masanton Sulat: ‘Igalang moy Katawan a Dios mo, tan sikato labat so panlingkuran mo!’”

Marcos 6:25

Amawil a tampol imay marikit ed ari, insan inkuanto, “Labay ko komun a diad sayan bekta, iter yod siak a walad bandihado so olo nen Juan a Managbinyag!”

Lucas 22:3

Linmoob si Satanas ed puso nen Judas a tatawagey Iscariote, sakey ed saray labinduan disipulo.

Juan 13:2

Mamandem ira di Jesus tan saray disipulo to. Inseksek lan maung na Diablo ed puso nen Judas Iscariote, ya anak nen Simon, so pantraidor tod kinen Jesus.

Juan 13:28

(Anggapod saray karongo nen Jesus so akatalus ed imbaga tod kinen Judas.

Juan 6:70

Inmebat si Jesus, “Sikayon labindua, ag ta siak so amilid sikayo? Anggaman ontan, sakey so diablo ed sikayo.”

Saray Gawgawa 5:3

Kanyan inkuanen Pedro, “Ananias, akin et impaoleyan moy pusom ed Satanas a pantilaen to kad Ispiritu Santo? Akin et binawasan moy kuartan inter mo?