Juan 12:38 - Maung A Balita Biblia

³⁸ Asumpal sirin so sinalita nen propita Isaias nen kuanto: “Katawan, siopay anisiad saray imbaga mi? Siopay angipatnagay Katawan na pakayari to?”

Maung a Balita Biblia

³⁸ Asumpal sirin so sinalita nen propita Isaias nen kuanto: Katawan, siopay anisiad saray imbaga mi? imbaga mi? Siopay angipatnagay Katawan na pakayari to?

Juan 12:38 Iomraidhean Croise

2 Saray Awaran 32:20

Insan si Ari Ezekias tan si propita Isaias a lakin anak nen Amoz nampikasi rad Dios tan kinmerew iray tulong to.

Saray Salmo 44:3

Saray totoom ag da sinamsam so dalin diad panamegley na saray ispada ra; ag da dinakep diad panamegley na dilin pakayari ra. Sinamsam da diad panamegley na dilin pakayarim tan biskeg mo, diad panamegley na kiwawalam ed pegley da, ya angipanengneng ya inarom ira.

Isaias 51:5

Masiglat ak ya onsabi ta ilaban ko ra; asingger lay agew na panalok; Siak a dili so manoley ed saray bansa. Saray arawin dalin aalagaren da ak ya onsabi: siilalo ran manaalagar ed siak a mangilaban ed sikara.

Isaias 51:9

Liing ka pa, Katawan, ta tulongan mo kami! Ikanam pa so pakayarim ta ilaban mo kami; ikanam pa a singa ginawam nen saman. Sika so nantetegteg ed Rahab a dragon ed dayat.

Isaias 53:1

Onebat iray totoo, “Siopa kasiy anisia ed ibabalita mi natan? Siopa kasiy akabirbir ed pakapanyari na Katawan ed sayan agawa?

Mateo 15:7

Mansimpisimpitan kayon totoo! Tuay imbaga nen Isaias nipaakar ed sikayo: ‘Inkuay Dios—

Mateo 16:17

Inkuanen Jesus ed sikato, “Maliket kan tua, Simon ya anak nen Jonas! Ta say Amak ed tawen so angipaamtad sika yan katwaan, aliwan say too.

Mateo 27:35

Impasak dad krus tan, kayari ran nampapalaranan iray kawes to, inapag da.

Juan 12:37

Ag nin siansia anisia ray totoo ed kinen Jesus, anggaman ya anengneng da ray milagron ginagawa to.

Juan 12:39

Say sakey nin makasengeg no akin et ag ira makapanisia, say imbaga nen Isaias:

Juan 15:25

Balet nakaukolan yan nagawa, pian nasumpal so nisulat ed Ganggan da, ‘Binosul da ak ya anggapoy makasengeg.’

Juan 17:12

Nen kaibak ira inasikasok irad panamegley na pakayari na ngaran mon inter mod siak. Inasikasok ira, et anggapoy abalang ed sikara likud ed toon talagan nabalang, pian nasumpal so ibabagay Masanton Sulat.

Juan 19:24

Nantotongtong ira may sondalo. Inkuanda, “Ag tayo ya pilaten. Pampapalaranan tayo, pian nanengneng no siopay makala.” Agawa ya pian nasumpal so ibabagay Masanton Sulat: “Nanaapagan da ray kawes ko, tan nampapalaranan day tunikak.” Kanyan onyay ginawa da ray sondalo.

Saray Taga Roma 10:16

Balet ag inawat na amin a katoowan so Maung a Balita. Si Isaias kuanto, “Katawan, siopay anisiad impulong mi?”

Saray Taga Roma 10:20

Lalon makpel si Isaias ta inkuanto, “Arumog da ak iray ag manaanap ed siak. Pinmanengneng ak ed saray ag manetepet no iner so kawalaan ko.”

1 CORINTO 1:24

Balet diad saray tinawag na Dios, Judio o Grigo man ira, si Cristo so pakayari tan kakabatan na Dios.

TAGA GALACIA 1:16

Et nen impaamta tod siak so Anak to, pian nipulong kod saray Hintil so Maung a Balitan nipaakar ed sikato, ag ko ya impanon ed anggan siopan too.