Juan 12:35 - Maung A Balita Biblia

³⁵ Inmebat si Jesus, “Maganggano lan nakaiba yo niy silew. Manakar kayo legan a kaiba yo niy silew, pian ag kayo naabotay bilonget. Ta ag amta na toon manaakar ed ambilonget so lalaen to.

Maung a Balita Biblia

³⁵ Inmebat si Jesus, Maganggano lan nakaiba yo niy silew. Manakar kayo legan a kaiba yo niy silew, pian ag kayo naabotay bilonget. Ta ag amta na toon manaakar ed ambilonget so lalaen to.

Juan 12:35 Iomraidhean Croise

Probirbio 4:19

Balet say dalan a pankukurangan da ray totoon maoges et ambilonget a singa labi. Natumba ra, ta ag da nanengneng so akapateran da.

Isaias 2:5

Sikayo ran kabyangay boleg nen Jacob, mankurang itayod liwawan iiter ed sikatayo na Katawan!

Jeremias 23:12

Andanglel tan ambilonget so dalanen da; pakaronyasen tan patumbaen ko ra. Iyakar kod sikaray deral; onsasabiy panaon na kadusa ra. Siak, say Katawan, so nansalita.

Lucas 18:37

“Onlalabas si Jesus a taga Nazaret,” inkuandad sikato.

Juan 11:10

Balet sikatoy nipatakba no labiy panakar to, lapud anggapoy liwawad sikato.”

Juan 11:9

Inmebat si Jesus, “Ag ta labinduay oras so sanagew? Kanyan no manakar so sakey a too no agew, ag nipatakba lapud nanengneng toy liwawa na sayan mundo.

Juan 12:36

Ambegyan kaiba yo niy silew sisia yo, pian magmaliw kayon mananombuk na silew.” Kapangibaga nen Jesus ed saya, tinmaynan tan inamutan to ra.

Juan 12:46

Linma ak dia a silew ed sankamundoan, pian siopamay manisiad siak et ag mansiansiad kabilongetan.

Juan 16:16

“Antiktikey lan panaoy pakanengneng yod siak, balet ag mambayag nanengneng yo ak lamet.”

Juan 7:33

Inkuanen Jesus, “Nakaiba yo ak nin magano, insan ak la ompawil ed samay angibakid siak.

Juan 8:12

Nansalita lamet si Jesus ed saray totoo. Inkuanto, “Siak so silew na sankamundoan. Say ontombuk ed siak walad sikatoy silew a mangiiter na bilay tan ag manakar ed kabilongetan.”

2 CORINTO 3:14

Balet anawet so olo da kanyan nasasakbungan nin siansiay kanunotan da, kapag basaen day daan a sipanan. Naekal yan sakbung no mikasakey ed Cristo so sakey a too.

TAGA GALACIA 6:10

Kanyan anamuten tayoy pankanawnawa tayon ontulong ed kaparan too, lautlad saray agagid pananisia.

TAGA-EFESO 5:8

Wala kayo nen saman ed bilonget, balet lapud totoo ki lay Katawan, wala ki lad silew. Kanyan mambilay kayo ed nepeg a pambilay da ray totoon walad silew.