Juan 11:55 - Maung A Balita Biblia

⁵⁵ Magano lan onsabiy Paskua da ray Judio tan dakel iray taga bario a linmad Jerusalem kasakbayan na Paskua, pian manlinis ira onung ed Ganggan.

Maung a Balita Biblia

⁵⁵ Magano lan onsabiy Paskua da ray Judio tan dakel iray taga bario a linmad Jerusalem kasakbayan na Paskua, pian manlinis ira onung ed Ganggan.

Juan 11:55 Iomraidhean Croise

Genesis 35:2

Kanyan inkuanen Jacob ed pamilya to tan amin a kaiba to, “Ibantak yo ray diriyos na arum a bansa ya awit yo; linisan yoy sikayon dili, insan kayo mampales na malinis.

Say Libro nen Job 1:5

Kapag nasumpal so ponsia, ombangon a masaksakbay ed ontombuk a kabwasan si Job tan mangisaklang na saray bagat a popoolan a panlinis ed saray anak to, onung ed ganggan. Lawas to yan gagawaen lapud iisipen to ya ompan sakey ed saray anak to so nankasalanan diad ag to ginagalan impansalita sumpad Dios.

Saray Salmo 26:6

Katawan, oorasan ko ray limak a pangipanengneng kon anggapoy kasalanan ko, tan liliberen koy altar mo diad pangigagalang kod sika.

Exodo 19:10

et say Katawan kuantod sikato, “Laka, ta ibagam ed saray totoo a diad sayan agew tan nabwas et mamparaan iran mangigalang ed siak: linisan day sikaran dili tan ipesak da ray kawes da.

Saray Bilang 9:10

kuantod saray totood Israel, “No walad sikayo odino saray kabyangay boleg yo so arotakan onung ed ganggan lapud impakadiwit da na bangkay odino nambiahi kayod arawin pasen, balet labay yo nin siansian silibraan so Paskua,

Saray Bilang 9:6

Balet wala ray pigaran lalakin marotak onung ed ganggan lapud akadiwit ira na sakey a bangkay, kanyan ag ira akapibiang ed pistay Paskua ed saman ya agew. Linma rad kindi Moises tan Aaron

Mateo 26:1

Kasumpal nen Jesus ya imbangat ira yan amin, inkuantod saray disipulo to,

Mateo 26:2

“Amta yo a duay agew ni, insan Pista na Paskua la. Diad satan niawat ya ipasak ed krus so Anak na Too.”

Marcos 14:1

Duay agew labat la natan kasakbayan na Pista na Paskua tan pista na Tinapay ya Anggapoy Libadura. Saray manonan papari tan saray iskriba manaanap iray pankanawnawan mangerel a maamut ed kinen Jesus, insan da pateyen.

Lucas 22:1

Manasingger lay Pista na Tinapay ya Anggapoy Libadura, a tatawagey Paskua.

Juan 12:1

Nen anem agew kasakbayan ya onsabiy pistay Paskua, linmay Jesus ed Betania a baley nen Lazaro a binilay to.

Juan 13:1

Bispiras la na Paskua. Amta nen Jesus a sinmabi lay oras na itaynan tod sayan mundo tan ipawil tod Ama. Inaro to ray totoo ton wadyad mundo, tan inaro to ra ya anggad kasamputan.

Juan 18:28

Nanlapud abung nen Caifas, inyakar day Jesus ed palasioy gobirnador. Kabkabwasan ed saman. Ag linmoob iray Judio ed palasio, pian ag ira nipasen a marotak, et makana ran mangay pandem a Paskua.

Juan 2:13

Asingger lay Paskua a Pista da ray Judio, tan linmay Jesus ed Jerusalem.

Juan 2:6

Walay anemiran pasig diman a balang sakey et mankargay duamplo ya anggad talomplon galon. Akatarya ra yan pasig lapud kaogaliyan da ray Judio nipaakar ed panaglinis.

Juan 5:1

Kasumpal to ya, walay pista da ray Judio tan linmad Jerusalem si Jesus.

Juan 6:4

Asingger lad saman so Pista na Paskua da ray Judio.

Saray Gawgawa 21:24

Mila kad sikara tan gawa yoy panaglinis ya onung ed Ganggan, tan ibayaran mo met ira, pian makapampapoklis ira. Diad ontan, nakabatay amin a totoo ya aliwan tuay nadngelan dan nipaakar ed sika, no ag ta susumpalen mo met manayay Ganggan nen Moises.

Saray Gawgawa 21:26

Nen ontombuk ya agew, inawit sirin nen Pablo ra may lalaki tan ginawa ray panaglinis ya onung ed Ganggan. Insan linmad Timplo tan impaamta to no kapigay kasumpal na niganan panaon na panaglinis, pian nisaklang so bagat a para balang sakey ed sikara.

Saray Gawgawa 24:18

Nibambana a nen gagawaen ko ya, asabian da ak ed Timplo, kasumpal kon nanlinis onung ed Ganggan. Anggapoy dakel a totoon wadman, tan anggapo met so agawan golo.

1 CORINTO 11:28

Kanyan nakaukolan a sokayan na balang sakey so sikaton dili, kasakbayan a mangan na tinapay tan oninom ed kupa.

Santiago 4:8

Singger kid Dios, et onsingger ed sikayo. Orasan yoy lima yo, sikayon makasalanan! Linisan yoy puso yo, sikayon mansimpisimpitan!

1 Samuel 16:5

“On,” ebat to. “Linma ak dian mangibagat ed Katawan. Linisan yoy sikayon dili tan mila kayod siak.” Impanpalinis to ra di Jesse tan saray anak ton lalaki, tan inimbitaan to rad bagat.