Juan 11:41 - Maung A Balita Biblia

⁴¹ Impaliis da sirin imay bato. Tinmangay si Jesus tan kuanto, “Misalamat ak ed sika Ama, ta dinengel mo ak.

Maung a Balita Biblia

⁴¹ Impaliis da sirin imay bato. Tinmangay si Jesus tan kuanto, Misalamat ak ed sika Ama, ta dinengel mo ak.

Juan 11:41 Iomraidhean Croise

Saray Salmo 123:1

Katawan, ontatangay ak ed sika, ditad tawen a panooleyan mo.

Mateo 11:25

Inkuanen Jesus ed satan, “Misasalamat ak ed sika, Ama, Katawan na tawen tan dalin, ta inyamut mo ra yan bengatla ed saray makabat tan makatalus, tan impaamtam ed saray totoon mapaabeban singa saray ogogaw.

Mateo 11:26

On, Ama, agawa ya ta sikatoy nilabay mo.

Mateo 27:60

insan to insorub ed lobuk ton dili, ya agano nin inyongib tod bato. Kasumpal to ya, angitolin na baton baleg ya insara tod puirta, insan la linma.

Marcos 15:46

Analiw si Jose na abel a sida. Nen niepas to lay bangkay nen Jesus, binalkut tod samay abel, insan insorub tod lobuk ya inongib ed baton-dampay. Kasumpal to ya, angitolin na baton baleg ya insara tod puirtay lobuk.

Lucas 10:21

Diad saman ya oras, si Jesus pinagayagay Ispiritu Santo. Inkuanen Jesus, “Misalamat ak ed sika, Ama, Katawan na tawen tan dalin, ta inyamut mo ra yan bengatla ed saray makabat tan makatalus, tan impaamtam ed saray totoon mapaabeban singa saray ogogaw. On, Ama, agawa ya ta sikatoy nilabay mo.

Lucas 18:13

Samay sumisingil na buis balet, arawdawiy nanalageyan to, tan ngalngali ag to itangwad tawen so lupa to. Tinapuktapuk toy pagew to tan inkuanto, ‘O Dios, kasian mo ak pa a makasalanan!’

Lucas 24:2

Asabian dan nitolin lay baton akasarad sangab na lobuk.

Juan 11:22

Balet amtak ya anggan natan, iter na Dios so antokaman a kerewen mod sikato.”

Juan 17:1

Nen asumpal nen Jesus ya imbaga ra ya, tinmangay ed tawen tan kuanto, “Ama, sinmabi lay oras. Pagalangan moy Anak mo, pian napagalangan ka met na Anak.

Juan 20:1

Kabkabwasay Simba, nen ambilonget ni, linma lad lobuk si Maria Magdalena. Anengneng ton nakal lay baton akasarad sangab na lobuk.

Saray Gawgawa 7:55

Balet si Esteban, a napnoy Ispiritu Santo, tinmangay ed tawen tan anengneng toy maliwliwawan silew na Dios, tan si Jesus a manalalagey ed nikawanay Dios.

FILIPOS 4:6

Ag yo pampapagaay antokaman a bengatla. Kerew yo ingen ed Dios iray amin a nakaukolan yo diad panamegley na pikakasin tinekepay pisasalamat.