Juan 11:19 - Maung A Balita Biblia

¹⁹ Dakel iray Judio a linman manligliwa ed kindi Marta tan Maria, lapud impatey nen Lazaro ya agi ra.

Maung a Balita Biblia

¹⁹ Dakel iray Judio a linman manligliwa ed kindi Marta tan Maria, lapud impatey nen Lazaro ya agi ra.

Juan 11:19 Iomraidhean Croise

Genesis 37:35

Dinmagon amin iray anak ton lalaki tan bibii a manligliwad sikato, balet ag to labay so naligliwa tan inkuanto, “Anggan wala ak lad pasen a panaayaman da ray inaatey, panermenan ko ni so anak ko.” Kanyan ag to tinondaan ya inermenan si anak ton Jose.

2 Samuel 10:2

Inkuanen David, “Ipanengneng koy matoor a pikakaaro ed kinen Hanun, a singa ginawa nen ama ton Nahas ed siak.” Kanyan angibakiy David na saray mangibaga na pidadamay tod kinen Hanun. Nen sinmabid Amnon ira may imbaki;

1 Saray Awaran 10:12

linma ray sankasebegan a lalaki, inala ray bangkay nen Saul tan saray bangkay na saray anak to insan inyakar da rad Jabes. Impompon da rad silong na kiew a robli insan ira nanayuno na pitoy agew.

Say Libro nen Job 2:11

Say paniirap nen Job abalitaan na saray taloran kakaaro to a di Elifaz a taga Teman, Bildad a taga Sua, tan Zofar a taga Naaman. Nampapakna ran talo a bisitaen day Job, ta ligliwaen da.

Say Libro nen Job 42:11

Amin ya agagi nen Job a lalaki tan bibii tan saray gendat a kakaaro to binisita ra tan akiliket irad sikato ed abung to. Impanengneng day pidadamay da tan nililigliwa ra ed saray gunigon tan kairapan ya inter na Katawan ed sikato. Angiter so balang sakey ed sikara na kuarta tan sakey a balituk a singsing.

Ecclesiastes 7:2

Magmaung niy onlad abung a walay ermen lapud walay inatey nen say onlad abung a walay ponsia, ta diad iyakar ed kawalaay inatey nipanunot a say patey et manaalagar ed sikatayon amin.

Isaias 51:19

Duaran deral so dinmalan ed sika: dineral na bakal so dalin mo tan naerasan iray totoom. Anggapoy siopaman a mangabagey ed sika.

Saray Tagleey 1:16

“Sikato yay makasengeg no akin et managagos ed matak so lua. Anggapoy nayarin manligliwad siak; anggapoy makaiter ed siak na biskeg na linawa. Tinalo ak na saray kalaban; saray totook anggapoy nakdaan a kayaryan da.

Saray Tagleey 1:2

Mannangnangis lawas; managagos ed aping toy lua. Diad amin da ray angaaro ed sikato nen saman, anggapoy manligliwa ed sikato ya anggan sakey ed sikara. Nantraidoran na saray kagampi to tan kalaban to ran amin natan.

Saray Tagleey 1:21

“Dengel mo pay panayay ko; anggapoy manligliwad siak. Panliketan na saray kalaban ko so impangiter moy gunigon ed siak. Ipasabim pa la may agew ya insipan mo; panirap mo pa ray kalaban ko a singa paniirap ko.

Saray Tagleey 1:9

Sankanengneng so inkarotakan to, balet anggapoy walad sikato so agawad sikato. Makapasinagem so inkaplag to; anggapoy manligliwad sikato. Analo ray kalaban to, tan kekerewen to a kasian na Katawan.

Saray Tagleey 2:13

O Jerusalem, antoy nibagak? Panoy pakaligliwak ed sika? Anggapo niy nanirap a singa paniirap mo. Singa kaawang na dayat so inkaderal mo; siopay makapasimbalod sika?

Lucas 10:39

tan walay agi ton manngaray Maria. Si Maria inyorung tod saliyan na Katawan tan dinmengel ed saray bangat to.

Lucas 10:42

Saksakey so talagan nakaukolan! Pinili nen Maria so lalon maung a gawaen, tan ag ya naekal ed sikato.”

Juan 1:19

Saray Judio ed Jerusalem angibaki ray pigaran papari tan Levita ed kinen Juan. Tinepet dad sikato, “Siopa ka?”

Juan 11:1

Walay taloran sanaagi a taga ra Betania. Lazaro, Maria, tan Marta so kangaranan da.

Juan 11:31

Saray Judio a wadmad abung a manliligliwad Maria et anengneng dan inmalagey a tampol tan pinmaway. Tinombuk da, ta abaloan da ya onlad lobuk tan diman manakis.

Juan 11:33

Atenyeg so puso nen Jesus tan agunigon nen anengneng ton mannangnangis si Maria tan saray Judion kakaiba to.

Juan 11:36

kanyan inkuan na saray Judio, “Agaylay panangaro tod kinen Lazaro!”

Juan 11:45

Anengneng na saramay Judion dinmalaw ed kinen Maria so ginawa nen Jesus, tan dakel ed sikara so anisiad sikato.

Juan 11:8

“Maistro,” inebat na saray disipulo, “agano ni may panupak dad sika lawarid man. Akin et labay mo lamet so onlad man?”

Saray Taga Roma 12:15

Miliket kayod saray manliliket, tan minangis kid saray mannanangis.

2 CORINTO 1:4

Liligliwaen to itayo ed amin a kairapan tayo, pian makatulong ti met ed saray arum a walad antokaman a kairapan diad panamegley na ligliwan inawat tayod sikato.

1 TESALONICA 4:18

Kanyan manliligliwaan kayo diad panamegley na sayan bangat.

1 TESALONICA 5:11

Kanyan ituloy yoy mansisimbawaan tan mantutulongan, a singa gagawaen yo natan.

1 Samuel 31:13

Inala da ray pokel tan inkotkot da rad silong na tamarisko, diad baley na Jabes, insan ira nanayuno a pitoy agew.