Juan 10:31 - Maung A Balita Biblia

³¹ Kanyan anokdok lamet iray Judio na saray baton panupak dad sikato.

Maung a Balita Biblia

³¹ Kanyan anokdok lamet iray Judio na saray baton panupak dad sikato.

Juan 10:31 Iomraidhean Croise

Exodo 17:4

Masimoon a nampikasid Katawan si Moises tan kuanto, “Anto kasiy nagawaan kod sarayan totoo? Ngalngali da ak la tupaken.”

Mateo 12:14

Tinmaynan ira may Pariseo tan implano ra no panoy pamatey dad kinen Jesus.

Mateo 21:35

Balet siningkat na saray kasamak ira may aripen. Pinepekpek day sakey, pinatey da niy sakey, tan tinutupak day kumatlo.

Mateo 23:35

Lapud saya, napelag ed sikayoy dusa na impamatey ed saray totoon matonung, manlapud si Abel ya anggapoy kasalanan to ya anggad impamatey dad kinen Zacarias ya anak nen Barakias. Sikatoy pinatey yo diad nanleetay Timplo tan altar.

Juan 1:19

Saray Judio ed Jerusalem angibaki ray pigaran papari tan Levita ed kinen Juan. Tinepet dad sikato, “Siopa ka?”

Juan 10:24

Minokut na saray Judio tan tinepet dad sikato, “Panduaruwaen mo kami nin mabayag kasi? No sika so Cristo, ibagam lan malinlinew ed sikami.”

Juan 10:32

Inkuanen Jesus ed sikara, “Impapanengneng kod sikayo ray maung a gawan impagawa na Ama ed siak. Dinan ed saraya so makasengeg na panupakan yod siak?”

Juan 11:8

“Maistro,” inebat na saray disipulo, “agano ni may panupak dad sika lawarid man. Akin et labay mo lamet so onlad man?”

Juan 5:18

Lalon binmiskeg so getma da ray Judio a mamatey ed kinen Jesus, lapud anta sinumlang to lay Ganggan na Agew na Panagpainawa, impara to niy inkasikatod Dios diad impangibaga ton say Dios et Ama to.

Juan 8:59

Lapud saya, nandokdok iray baton panupak dad kinen Jesus, balet sinmanib insan la pinmaway ed Timplo tan tinmaynan.

Saray Gawgawa 7:52

Siopan propita so ag pinapairap na saray lalaki yo? Pinapatey da ray imbabakiy Dios a mangipasakbay ed iyakar diay matonung ya Aripen to, a sikato balet so inyawat tan pinatey yo.

1 Samuel 30:6

Agunigon a maung si David, ta ansakit a maung so linawa da ray totoo to lapud inkabalang na saray anak da, tan pantotongtongan da lan tupaken. Balet pinabiskeg na Katawan a Dios to so linawa to.