Juan 10:3 - Maung A Balita Biblia

³ Lolokasan na managbantay na puirta tan derengelen na saray karniro so bosis to. Tatawagen tod kangaranan da ray karniro to, tan ipapaway to ra.

Maung a Balita Biblia

³ Lolokasan na managbantay na puirta tan derengelen na saray karniro so bosis to. Tatawagen tod kangaranan da ray karniro to, tan ipapaway to ra.

Juan 10:3 Iomraidhean Croise

Saray Salmo 80:1

Dengel mo kami pa, O Pumapastol na Israel; talineng mo kami pa, sika a pangulo da ray karnirom. Sika a manyodyorung ed tronom diad tagey da ray kirubin,

Exodo 33:17

Say Katawan kuantod kinen Moises, “Gawaen koy kerew mo, lapud kabkabat ta ka tan makaliliket ak ed sika.”

Probirbio 27:23

Apiapiger mon komponien iray karnirom tan saray bakam,

Kanta nen Solomon 8:13

Dengelen ko pay bosis mod tanamanan, O inarok; saray kakaarok et manaalagar iran ondengel ed sika.

Isaias 40:11

Asikasoen to ray karniro to a singa panagkomponi na pumapastol; tiponen to ray kordiro tan ampopoen to rad taklay to; anosan ton iwanwan iray kainaan da.

Isaias 42:16

“Itabin ko ray bulag a totook diad saray dalan ya ag da nin balut nanakaran. Pagmaliwen kon liwawa so bilonget da tan pataren koy matibagkul a dalin da. Sikara yay sipan ko, et sumpalen ko ran sumpalen.

Juan 10:14

Siak so maung a pastol. Kabat ko ray karnirok tan kabat da ak,

Juan 10:16

Wala ni ray arum a karnirok ya andi rad sayan koral. Nakaukolan ya ipitipon ko met ira. Dengelen da met so bosis ko tan diad onya, magmaliw a saksakey so poluk tan saksakey met so managpastol.

Juan 10:4

No nipaway to la ran amin, manaakar a walad onaan da. Totombuken da ta kabat day bosis to.

Juan 10:9

Siak so puirta. Nilaban so siopaman ya onloob ed panamegley ko; onloob tan ompaway, et makalmoy pankabkaban to.

Juan 6:37

Ondagon amin iray iter na Ama ed siak. Ag kon balut ipolisay so siopaman ya ondagod siak.

Juan 6:45

Insulat na saray propita, ‘Tan nabangatan iran amin na Dios.’ Ondadagod siak so balang sakey ya onderengel tan manaaral ed Ama.

Saray Taga Roma 8:30

Kanyan tinawag to ray inggana to la nen saman. Pinaandi toy kasalanan da ray tinawag to, tan initdan toy kagalangan iray pinaandian toy kasalanan.

1 CORINTO 16:9

Baleg dian tuay pankanawnawak a manggaway makana-kana ran kimey, anggaman a dakel iray onsusumlang.

FILIPOS 4:3

Kekerewen ko met ed sika, matoor kon kaiba, a tulongan mo pa ra yan bibii. Tinmulong pa ni met irad siak diad impangikayat na Maung a Balita, a kaiba ray Clemente tan arum ni ran kakimeyan ko. Akasulat so kangaranan da ed libro na bilay.

COLOSAS 4:3

Ipikasi yo kami pa ya itdan kamiy Dios na pankanawnawan mangipulong na salita to tan mangipaliwawa na niamut a katwaan a nipaakar ed Cristo. Ta saya so makasengeg no akin et wadya ak ya apriso natan.

2 Timoteo 2:19

Balet ag natenyeg so malet a pundasion ya inletneg na Dios; tan amarkaan na onya ran salita: “Kabat na Katawan no siopa ray kayaryan to”; tan, “Nepeg ya onarawid kaogsan so siopaman ya ontawag ed Katawan.”

1 Pedro 1:12

Nen ipakabat na saray propita ira yan katwaan a nadngel yo natan, impaamta na Dios ed sikara ya aliwan para kaabigan da so kimey da, no ag ingen para sikayo. Saray managpulong na Maung a Balita imbabaga rad sikayo ra yan katwaan, tan nampupulong iran napnoy pakayariy Ispiritu Santo a nibakin nanlapud tawen. Anggan saray anghil ed tawen nampilalekan da a natalusan ira yan katwaan.

1 Juan 4:6

Balet kayaryan itayoy Dios. Siopamay toon kabat toy Dios, dedengelen to itayo, balet ag itayo dengelen na siopaman ya ag kayaryay Dios. Dia tayo naamtaan sirin so pandomaan na Ispiritu na katwaan tan ispiritu na tila.

3 Juan 1:14

Iilaloan kon magano lay pakapannengneng tan pakapantongtong ta.

Puyan 20:15

Nibantak ed dayat ya apoy so siopaman ya ag nisulat so ngaran tod libro na bilay.

Puyan 3:20

Dengel ka! Akaalagey ak ed paway na puirta tan ontotoktok ak. No dengelen na siopaman so bosis ko tan lokasan toy puirta, onloob ak ed abung to tan mirongo ak ed sikato, tan mirongo ed siak.

Puyan 7:17

Ta samay Kordiron walad pegley na trono so mampastol ed sikara. Iwanwan to rad sobusobul na mabilay a danum, tan ponasey Dios iray amin a lua ed mata ra.”