Juan 10:24 - Maung A Balita Biblia

²⁴ Minokut na saray Judio tan tinepet dad sikato, “Panduaruwaen mo kami nin mabayag kasi? No sika so Cristo, ibagam lan malinlinew ed sikami.”

Maung a Balita Biblia

²⁴ Minokut na saray Judio tan tinepet dad sikato, Panduaruwaen mo kami nin mabayag kasi? No sika so Cristo, ibagam lan malinlinew ed sikami.

Juan 10:24 Iomraidhean Croise

1 Saray Arari 18:21

Linmay Elias ed saray totoo tan kuanto, “Kapigay pangipasakey yod kanunotan yo? No Dios so Katawan, sikatoy igalang yo; no Dios si Baal, sikatoy igalang yo!” Balet ag inmesel iray totoo.

Mateo 11:3

Tinepet dad kinen Jesus, “Ibagam pad sikami: sika may aalagden min onsabi o manalagar kami niy sananey?”

Marcos 8:32

Malinlinew so impangibaga to ya ed sikara, kanyan si Pedro inyarawi toy daiset si Jesus tan nansalitaan to.

Lucas 3:15

Binmiskeg so ilalo ray amin a totoo tan tinetepet dad sikaran dili no si Juan et sikato la kasiy Cristo ya aalagden da.

Juan 1:19

Saray Judio ed Jerusalem angibaki ray pigaran papari tan Levita ed kinen Juan. Tinepet dad sikato, “Siopa ka?”

Juan 10:31

Kanyan anokdok lamet iray Judio na saray baton panupak dad sikato.

Juan 10:33

Inmebat iray Judio, “Ag mi ka tupaken lapud saray maung a gawa, balet lapud maoges a panagsalitam a sumpad Dios! Gagawaen moy sikan dili a Dios, anta too ka!”

Juan 16:25

“Imbagak ira yad sikayo diad panamegley na alimbawa. Balet onsabiy panaon ya ag ko la mansalitay onya, no ag ta ibagak lan malinlinew ed sikayoy nipaakar ed Ama.

Juan 8:25

“Siopa ka a?” tinepet dad sikato. Inkuanen Jesus, “Siak imay imbagak lad sikayo nen saman ni.

Juan 8:53

Matalonggaring ka ta nen si ama min Abraham? Inatey, tan saray propita inaatey met ira. Anto tay pangipapasen mod sikan dili a?”

Juan 9:22

Onyay imbaga ray atateng to, lapud antakot irad saray Judio. Ta nampapaknaan la na saray Judio a papawayen dad sinagoga so siopaman a mangibagan si Jesus so Cristo.

2 CORINTO 3:12

Lapud walay onyan ilalo tayo, mabiskeg so linawa tayo.