Juan 10:1 - Maung A Balita Biblia

¹ “Ibabagak ed sikayoy katwaan: say toon onloloob ed koral da ray karniro ya ag ondadalan ed puirta no ag ingen onluluksod ag nepeg a dadalanen, sikatoy matakew tan tulisan.

Maung a Balita Biblia

¹ Ibabagak ed sikayoy katwaan: say toon onloloob ed koral da ray karniro ya ag ondadalan ed puirta no ag ingen onluluksod ag nepeg a dadalanen, sikatoy matakew tan tulisan.

Juan 10:1 Iomraidhean Croise

Jeremias 14:15

Siak, say Katawan, ibabagak ed sika so gawaen kod sarayan propita ya ag ko ra imbaki, balet mansasalita ra ed ngaran ko tan ibabaga ran anggapoy ondalan a bakal tan eras ed sayan dalin. Pateyen ko ra ed panamegley na bakal tan eras.

Jeremias 23:21

Say Katawan inkuanto, “Ag ko imbaki ira yan propita, balet linma ran siansia. Nampropisiya ra ed ngaran ko anggaman ya anggapoy sinalitak ed sikara.

Jeremias 23:32

Dengel yo so ibabagak, siak a Katawan! Sumpa ak ed saray propita a mangibabaga na saray kogip da a napnoy tila. Ibabaga da ra yan kogip da tan ibabalang da ray totook diad panamegley na saray panagtila ra tan panagpasirayew da. Ag ko ra imbaki odino ingganggan ya onla. Anggapon balut so nayarian dan itulong ed saray totoo. Siak, say Katawan, so nansalita.”

Joel 2:9

Maples iran ondodogpad siudad; luluksoen da ray padir; kakalaben da ray kaabungan tan ondadalan irad saray bintana a singa ra matakew.

Mateo 7:15

“Manalwar kayod saray tila-tilan propita. Omparontal irad sikayo a singa ra karniro balet, diad tuay tua, singa ra asod katakelan.

Juan 10:7

Kanyan inkuan lamet nen Jesus, “Ibabagak ed sikayoy katwaan: siak so puirtan dadalanen da ray karniro.

Juan 3:3

Inmebat si Jesus ed sikato, “Ibagak ed sikay katwaan: likud a nianak lamet so sakey a too, ag to nanengneng so Panariay Dios.”

Saray Taga Roma 10:15

Tan panon a makapampulong iray Maung a Balita, no ag ira imbaki? Onung na ibabagay Masanton Sulat, “Agaylay abig a nengnengen so isabi da ray managpulong na Maung a Balita!”

Saray Taga Roma 16:18

Saratan a klasiy totoo et ag da panlilingkuray Criston Katawan tayo, no ag say dilin pilalek da. Lapud malamlamuyot tan masamsamit a pananalita ra, ibabalang da so kanunotan da ray totoon mainomay a natanggoyur.

Tito 1:11

Nakaukolan a patondaen irad pansasalita ra, ta gogoloen da ray sankapamilyaan. Lapu labat ed makapabaing a pakalmo ray kuarta, ibabangat da lay aliwan manepeg ya ibangat.

Saray Hebreo 5:4

Anggapoy siopaman a makapangikawes ed sikaton dili na kagalangay Pangulon Pari. Say Dios a dili so mamilid sikato, a singa inkapili nen Aaron.

1 Pedro 1:10

Inanap tan inosisa na saray propita so sayan kilalaban tan impasakbay dan imbaga so nipaakar ed sayan rigalon iter na Dios ed sikayo.

2 Pedro 2:1

No panoy inkiwala da ray tila-tilan propita ed saray totoo nen saman, ontan met ya onlesad sikayo ray tila-tilan bumabangat. Ikana ray tila-tilan bangabangat a makaderal ed sikayo. Ipolisay da ni ingey Katawan ya angilaban ed sikara, kanyan biglan ondapod sikaray kadederal.

2 Pedro 2:3

Lapud inkaagom da, siliban day kayamanan yo diad panamegley na saray tila-tilan salita. Abayag lan akaparaay dusa ra, tan ag naogip so Mananeral ed sikara!

1 Juan 4:1

Inararo, ag yo nepeg a sisiaen iray amin a mangibabagan walad sikaray Ispiritu, no ag ingen sobuk yo ni ra no kasin say ispiritun walad sikara et nanlapud Dios. Ta amayamay a tila-tilan propita so linmetaw lad intiron mundo.