Juan 1:31 - Maung A Balita Biblia

³¹ Siak a dili, ag ko ni kabat nen saman no siopa, anggaman a wadya ak a mamibinyag ed danum a mangipakabat ed sikatod Israel.”

Maung a Balita Biblia

³¹ Siak a dili, ag ko ni kabat nen saman no siopa, anggaman a wadya ak a mamibinyag ed danum a mangipakabat ed sikatod Israel.

Juan 1:31 Iomraidhean Croise

Malakias 3:1

Say Katawan a Makapanyarin-amin onebat, “Paonlaen koy ibabakik a mangiparaan na dalanen ko. Insan say Katawan ya anapen yo et biglan onsabi ed Timplo to. Onsabi so ibabaki a pampilpilalekan yon nanengneng tan ibawag toy sipanan ko.”

Mateo 3:13

Diad saman met a panaon, si Jesus linmad Ilog na Jordan a nanlapud Galilea, ta pabinyagan ed kinen Juan.

Mateo 3:6

Impapatwa ray kasalanan da, tan binibinyagan to rad Ilog na Jordan.

Lucas 1:17

Onlan onona nen say Katawan, tan nawalaan na singa pakayari tan ispiritu nen propita Elias. Papawilen toy panaarowan da ray ama tan anak. Papawilen to met ed dalan da ray matonung iray totoon bangar. Diad ontan, iparaan to ray totoo a mangawat ed Katawan.”

Juan 1:30

Sikato ya may labay kon ibaga nen kuanko, ‘Manona so manomtombuk ya onsalat ed siak lapud wala la kasakbayan a nianak ak.’

Juan 1:32

Onyay impamaneknek nen Juan: “Anengneng koy Ispiritun singa malapati ya ondadapon nanlapud tawen tan nanayam ed sikato.

Juan 1:33

Ag ko ni kabat nen saman, balet say Dios ya angibakid siak a maminyag ed danum kuantod siak, ‘Say nanengneng mon toon dadapoay Ispiritu tan panayaman to sikatoy maminyag na totoo ed Ispiritu Santo.’

Juan 1:7

Linma diay Juan a mamaneknek na nipaakar ed silew, pian diad panamegley to manisiay amin a katoowan.

Saray Gawgawa 19:4

Inkuanen Pablo, “Say binyag nen Juan et para saray totoon nagbabawid saray kasalanan da. Imbaga tod saray totood Israel a nepeg day manisia ed samay ontotombuk ya onsalat ed sikato, a si Jesus.”