Josue 9:27 - Maung A Balita Biblia

²⁷ Balet impagmaliw to ran aripen a managalay kiew tan managasol na danum na saray totood Israel; sikara met so manangiter na kiew tan danum a para altar na Katawan. Anggad sayan panaon itutuloy da ni yan kimey ed pasen a pinili na Katawan a pangigalangan ed sikato.

Maung a Balita Biblia

²⁷ Balet impagmaliw to ran aripen a managalay kiew tan managasol na danum na saray totood Israel; sikara met so manangiter na kiew tan danum a para altar na Katawan. Anggad sayan panaon itutuloy da ni yan kimey ed pasen a pinili na Katawan a pangigalangan ed sikato.

Josue 9:27 Iomraidhean Croise

2 Saray Awaran 2:16

Mamatang kamid saray palandey na Libano na amin a naukolan mon sidro. Kayari to singeren mi ran singa lamo, insan mi ra iyanur ed dayat ya anggad Jope. Akaoley kayo lan mangalad man ya iyakar ed Jerusalem.”

Saray Bilang 31:28

Diad betang da ray sondalo mamawas kay buis a para Katawan, sakey a priso ed kapag limanlasus; ontan met so gawaen mod saray baka, asno, karniro, tan kanding.

Saray Bilang 31:30

Diad betang da ray totoo, mamawas ka na sakey a priso ed kapag limamplo; ontan met so gawaen mod saray baka, asno, karniro, tan kanding. Iter mo rad saray Levita a makaoley ed Tulda na Katawan.”

Saray Bilang 31:47

Diad sayan betang amawas si Moises na sakey a priso ed kapag limamplo; onya met so ginawa tod saray ayayep. Onung ed ganggan na Katawan, inter to rad saray Levita a makaoley irad Tulda na Katawan.

Deuteronomio 12:11

Say Katawan mamili na saksakey a pasen a pangigalangan ed sikato, tan iyakar yod man ed sikato iray amin ya ingganggan kod sikayo: saray isaklang yon bagat a popoolan tan saray arum a bagat, say kakaplo na saray kayaryan yo tan saray bagat yo, tan saray nidoma-doman rigalo ya insipan yon iter ed Katawan.

Deuteronomio 12:14

nepeg yo ran isaklang labat ed saksakey a pasen a pilien na Katawan ed dalin na sakey ed saray tribu yo. Diman labat so pangisaklangan yo na saray bagat a popoolan tan diman so panggawaan yod amin ya ingganggan kod sikayo.

Deuteronomio 12:5

Diad dalin na amin da ray tribu yo, say Katawan mamili na sakey a pasen a panayaman to a sikatoy laen na saray totoo a pangigalangan ed sikato.

Josue 9:21

Abuloyan yo ran mambilay, balet nepeg ya ikiewan tan iyasolan da itayo.” Sikatoya so imbaga na saramay pangulo.

Josue 9:26

Kanyan onya so ginawa nen Josue: inyagel to ra tan ag to inabuloyan iray totood Israel a pateyen da ra.