Josue 9:14 - Maung A Balita Biblia

¹⁴ Saray lalakid Israel angawat iray pigaran kakanen a nanlapud saramay taga Gabaon, balet ag da la ya impanon ed Katawan.

Maung a Balita Biblia

¹⁴ Saray lalakid Israel angawat iray pigaran kakanen a nanlapud saramay taga Gabaon, balet ag da la ya impanon ed Katawan.

Josue 9:14 Iomraidhean Croise

2 Samuel 2:1

Kayari to ya, tinepet nen David ed Katawan, “Onla ak a manakop ed sakey ed saray baley na Juda?” “On,” ebat na Katawan. “Dinan ey?” tepet nen David. “Say Hebron,” kuay Katawan.

2 Samuel 5:19

Tinepet nen David ed Katawan, “Dogpaan ko ray Filisteo? Panaloen mo ak kasi?” Inmebat so Katawan, “On, dogpaan mo ra! Panaloen ta ka!”

Esdras 8:21

Diad abay na Ilog na Ahava ingganggan kon manayuno kamin amin tan mampaabeba kamin amin ed arap na Dios mi. Ingganggan ko met a kerewen min iwanwan to kami ed pambiahi mi tan iyagel to kamid kaatapan, sikami, saray anak mi tan amin a kayaryan mi.

Exodo 28:30

Ipeket mod apis na pagew so Urim tan Tummim, pian si Aaron et sankaawit to ra no onloob ed pasen a kawalaan ko. Diad saratan a panaon nepeg ton isolung lawas so sayan apis na pagew, pian naamtaan to so linawak para saray Israelita.

Saray Bilang 27:21

Diad kinen Eleazar a pari, diad pangikana to na Urim tan Tummim so pakaamtaan toy linawak. Onya so pangiwanwan nen Eleazar ed kinen Josue tan amin ya Israelita diad amin a gawaen da.”

Santiago 1:5

Balet no walad sikayoy kulang na kakabatan, nepeg toy mikerew ed Dios tan naitdan, ta say Dios maliket tan mabonbonluk a mangiiter ed amin a katoowan.

Josue 9:13

Nen pinano mi ra yan katat a pananginay alak, balo ni ra, balet natan apilat la ra. Apilat la ray kawes tan saray sandalya mi lapud bayag na impankurang mi.”

Saray Huis 1:1

Kayariy impatey nen Josue saray Israelita tinepet dad Katawan, “Dinan ed saray tribu mi so ononan onla ya ondogpad saray Cananeo?”

Saray Huis 20:18

Linmad pasen a panangigalangan diad Betel iray Israelita, tan tinepet dad man ed Dios, “Dinan a tribu so ononan ondogpad saray Benjaminita?” Say Katawan inmebat, “Say tribu nen Juda.”

1 Samuel 22:10

Tinepet nen Ahimelec ed KATAWAN no antoy nepeg a gawaen nen David, insan initdan toy nakan tan inter to may ispada nen Goliat a Filisteo.”