Josue 9:1 - Maung A Balita Biblia

¹ Saray impanatalo na Israel et akabatan na amin ya ari ed sagur na Jordan diad saray kapokdulan, diad saray alusadsar, tan diad saray patar ed gilig na Dayat na Mediteraneo ya anggad Libano diad baybay; sikara ya so ari da ray Heteo, saray Amorreo, saray Cananeo, saray Pereseo, saray Heveo, tan saray Jebuseo.

Maung a Balita Biblia

¹ Saray impanatalo na Israel et akabatan na amin ya ari ed sagur na Jordan diad saray kapokdulan, diad saray alusadsar, tan diad saray patar ed gilig na Dayat na Mediteraneo ya anggad Libano diad baybay; sikara ya so ari da ray Heteo, saray Amorreo, saray Cananeo, saray Pereseo, saray Heveo, tan saray Jebuseo.

Josue 9:1 Iomraidhean Croise

2 Samuel 24:7

Insan linma rad abalaten na aliber na padir a siudad na Tiro, tinmuloy irad amin a siudad na saray Heveo tan saray Cananeo, insan kasamputan diad Beer-seba a sagur na Juda.

Exodo 23:23

Onlan onona nen say sikayo so anghil ko tan iyakar to kayo ed dalin na saray Amorreo, saray Heteo, saray Perezeo, saray Cananeo, saray Heveo, tan saray Jebuseo, tan deralen ko ra.

Exodo 23:31

Ipasabik iray ketegan na dalin yo manlapud Dayat ya Akaba ya anggad Ilog na Eufrates, tan manlapud Dayat na Mediteraneo ya anggad kalawakan. Paoleyan kod sikayo ray amin a totoon manaayam ed dalin na Canaan tan pagiten yo ra legan na pankukurang yo.

Exodo 3:17

Kanyan ginetmak lan ipaway ira ed Egipto a pakapapairapan da, tan iyakar ko ra ed mayaman tan mataba a dalin a panaayaman natan na saray Cananeo, saray Heteo, saray Amorreo, saray Perezeo, saray Heveo, tan saray Jebuseo.

Exodo 34:11

Onur yo ray ganggan ya iter ko natan ed sikayo. Pagiten ko ray Amorreo, saray Cananeo, saray Heteo, saray Perezeo, saray Heveo, tan saray Jebuseo legan na pankukurang yo.

Saray Bilang 13:29

Diad niabalaten a parti na saman a dalin saray Amalecita so manaayam; diad kapokdulan iran pasen saray Heteo, Jebuseo, tan saray Amorreo so manaayam; tan diad gilig na Dayat na Mediteraneo tan diad gilig na Ilog na Jordan saray Cananeo so manaayam.”

Saray Bilang 34:6

“Say ketegan ed sagur et say Dayat na Mediteraneo.

Deuteronomio 1:7

Alis kayo la tan laka yod kapokdulan a dalin da ray Amorreo tan diad saray kaliber-liber a pasen—diad Patar na Jordan, diad kapokdulan tan saray abeban pasen, diad niabalaten a pasen, tan diad gilig na Mediteraneo. Laka yod dalin na Canaan tan tuloy kayod labas na Kapalandeyan na Libano ya anggad baleg ya Ilog na Eufrates.

Deuteronomio 3:25

Abuloyan mo pan makabaliw ak ed Ilog na Jordan, Katawan, pian nanengneng koy mataban dalin ed biek na ilog, say marakep a kapokdulan a dalin tan saray Kapalandeyan na Libano.’

Deuteronomio 4:49

Sakop to met so intiron dalin a bokig na Ilog na Jordan ya anggad Dayat ya Inatey diad abalaten tan say alusadsar na Palandey na Pisga diad bokig.

Deuteronomio 7:1

“Say Katawan a Dios yo et iyakar to kayod dalin a panayaman yo, tan amayamay a totoo so pataynanen to. Legan yon looban so dalin, pataynanen to ray totoo na pitoran bansa a baleg tan makapanyari nen say sikayo: saray Heteo, saray Gergeseo, saray Amorreo, saray Cananeo, saray Perezeo, saray Hebeo, tan saray Jebuseo.

Josue 1:15

anggad nasakop day dalin a sagur na Jordan, say dalin ya inter ed sikara na Katawan a Dios yo. No nilira to la ran maligen iray amin a tribu na Israel, ompawil kayo lad satan dia tan manayam kayo lad dalin yod bokig na Jordan ya inter ed sikayo nen Moises ya aripen na Katawan.”

Josue 1:4

Saray ketegan na dalin yo et manlapud kalawakan ed abalaten ya anggad Kapalandeyan na Libano diad baybay; manlapud baleg ya Ilog na Eufrates diad bokig, beltangen toy dalin da ray Heteo, ya anggad Dayat na Mediteraneo diad sagur.

Josue 10:23

Kanyan nilokasan da may ongib, tan impaway da ra may arari ed Jerusalem, Hebron, Jarmut, Lakis, tan Eglon, insan da ra

Josue 11:17

Limaknab so asakop ton dalin manlapud Palandey na Halak diad abalaten ya asingger ed Edom, anggad Baalgad diad baybay, diad patar na Libano ya abalaten na Palandey na Hermon. Abayag ya akibakal si Josue ed saray arari ed sarayan pasen, balet adakep to ran amin tan pinapatey to ra.

Josue 13:5

say dalin da ray Gibalita; say intiron sakop na Libano ya anggad bokig, manlapud Baalgad a bandad abalaten na Palandey na Hermon ya anggad Dalan na Hamat.

Josue 15:12

a sikatoy ketegan ed bandad sagur. Diad loob na sarayan ketegan nanayam iray totoo a kabyangan na saray pamilya nen Juda.

Josue 22:4

Onung na insipan na Katawan a Dios yo initdan to na kareenan iray kapara yon Israelita. Sempet kayo natan sirin ed dalin a kayaryan yo, say dalin ed bokig na Jordan ya inter ed sikayo nen Moises ya aripen na Katawan.

Josue 23:4

Impabetang ko lad saray tribu yo so dalin na saray akeraan nin bansa; tan amin da ray bansan dinadakep ko la, manlapud Ilog na Jordan diad bokig ya anggad Dayat na Mediteraneo diad sagur.

Josue 24:11

Binaliw yoy Jordan tan linma kayod Jerico. Nilabanan kayo na saray lalakid Jerico a singa ginawa na saray Amorreo, Perezeo, Cananeo, Heteo, Gergaseo, Heveo, tan saray Jebuseo. Balet impanalo ta kayod sikaran amin.

Josue 3:10

Legan kayon mankukurang, andi-saew a pataynanen to ray Cananeo, saray Heteo, saray Heveteo, saray Perezeo, saray Gergeseo, saray Amorreo, tan saray Jebuseo. Naamtaan yo a say mabilay a Dios et kaolup yo

Josue 3:17

Nen ombabaliw ed amagan dalin ira may totoo saramay paparin manasakbat ed samay Kaban na Sipanan et nanalagey irad amagan dalin ed pegley na Ilog na Jordan anggad akabaliw ya amin iray totoo.

Josue 5:1

Amin da ray ari na Amorreo diad bokig na Jordan tan amin da ray ari a Cananeo diad gilig na Dayat na Mediteraneo nadngelan dan pinaekat na Katawan so Jordan anggad impakabaliw na saray totood Israel. Ataktakot ira tan nakalan iray biskeg na linawa lapud saray Israelita.

Josue 6:27

Kaolup nen Josue so Katawan, kanyan nikayat ed intiron bansa so inkabantug to.

Josue 9:7

Balet inkuan ed sikara na saray lalaki na Israel, “Akin et mipaknaan kamid sikayo? Angangko asingger dia so panaayaman yo.”