Josue 8:35 - Maung A Balita Biblia

³⁵ Balang sakey ed saray ganggan nen Moises et imbasa ra nen Josue ed amin a nantitipon a totoo, pati saray bibii tan saray ogogaw, ontan met ed saray taga arum a bansa a manaayam ed kawalaan da.

Maung a Balita Biblia

³⁵ Balang sakey ed saray ganggan nen Moises et imbasa ra nen Josue ed amin a nantitipon a totoo, pati saray bibii tan saray ogogaw, ontan met ed saray taga arum a bansa a manaayam ed kawalaan da.

Josue 8:35 Iomraidhean Croise

Esdras 10:1

Akatewek a mampipikasi si Esdras diad arap na Timplo, manakakis tan ipapatua to ra yan kasalanan. Legan ton mampipikasi minokut na saray amayamay ya Israelita—lalaki, bibii, tan ogogaw—tan manakakis na ampaipait.

Nehemias 8:2

Inala nen Esdras insan to inyakar ed nantitiponan na saray totoo—lalaki, bibii, tan ogogaw a nayarian da lay ontalus.

Nehemias 8:3

Diad saman a plasa ed abay na puirta imbasa tod sikaray Ganggan manlapud palbangon ya anggad kaagwan, et marengerengel iray totoo.

Exodo 12:38

Dakerakel ya arum a totoo tan amayamay a karniro, kanding, tan baka so akilad sikara.

Jeremias 26:2

say Katawan inkuantod siak, “Manalagey kad patio na Timplo tan ibawag mo ray ingganggan kon salitaen mod saray totoon nanlapud saray baley na Juda a mangigalang diman. Ibagam ya amiy bengatla.

Joel 2:16

Pantitipon yo ray totoo; iparaan yo ran ondagup ed masanton miting; pankakasakey yo ray mamatakken; pantitipon yo ray ogogaw tan ontan met na saray mansususo. Anggan saray kapankasal nepeg a taynan day kaabungan da tan ondagup ira.

Zacarias 8:23

Diad saratan ya agew saray samploran sangkaili onla rad sakey a Judio tan ikuanda, ‘Mikasakey kamid sika, lapud nadngelan min walad sika so Dios.’”

Marcos 10:14

Asanukay Jesus nen anengneng to yan ginawa da ray disipulo to tan kuantod sikara, “Paolyan yo ray ogogaw ya ondagod siak. Ag yo ra sesebelan, ta saray totoon singa sarayan ogogaw so makankien na Panariay Dios.

Saray Gawgawa 20:27

Ta imbagak ed sikayoy amin a linaway Dios.

Saray Gawgawa 21:5

Balet nen asumpal lay panaon mid man, intuloy mi so nambiahi. Amin da, pati saray kaasawaan tan saray anak da, impatnubang da kami ya anggad paway na siudad. Nantalimukor kamin amin ed baybay tan nampikasi kami.

Deuteronomio 29:10

“Natad sayan agew amin yo et manalalagey ed arap na Katawan a Dios yo—saray pangulo yo tan saray opisyal yo, saray lalaki yo,

Deuteronomio 29:11

saray bibii, saray anak yo, tan saray sangkailin manaayam ed kawalaan yo a managala ray itotongo tan managasul iray danum yo.

Deuteronomio 29:9

Pampelengan yon onuren iray yan amin a pasusumpal na sayan sipanan, pian onaligwas kayod amin a gawaen yo.

Deuteronomio 31:12

Pantitipon yo ray amin a lalaki, bibii, tan saray ogogaw, tan saray sangkailin manaayam ed saray baley yo, pian narengel dan amin so Ganggan tan naaralan da so ontakot ed Katawan a Dios yo tan matoor dan onuren iray bangat to.

Deuteronomio 4:2

Ag yo aaruman so igaganggan kod sikayo, tan ag yo babawasan. Onur yo ray ganggan na Katawan a Dios yo, saray ganggan ya inter kod sikayo.