Josue 8:33 - Maung A Balita Biblia

³³ Saray Israelita a pati saray pangulo, opisyal, tan saray huis da, tan ontan met na saray kakaiba ran taga arum a bansa et nanalagey irad duaran dapag na Kaban na Sipanan na Katawan, tan sankaarap da ray paparin Levita ya anakbat na samay Kaban. Say kapalduad saramay totoo nanalagey iran akabeneg ed Palandey na Gerizim, tan saray kapaldua akabeneg irad Palandey na Ebal. Si Moises ya aripen na Katawan ingganggan ton gawaen da ya diad isabiy panaon a pangawat day bindision.

Maung a Balita Biblia

³³ Saray Israelita a pati saray pangulo, opisyal, tan saray huis da, tan ontan met na saray kakaiba ran taga arum a bansa et nanalagey irad duaran dapag na Kaban na Sipanan na Katawan, tan sankaarap da ray paparin Levita ya anakbat na samay Kaban. Say kapalduad saramay totoo nanalagey iran akabeneg ed Palandey na Gerizim, tan saray kapaldua akabeneg irad Palandey na Ebal. Si Moises ya aripen na Katawan ingganggan ton gawaen da ya diad isabiy panaon a pangawat day bindision.

Josue 8:33 Iomraidhean Croise

Exodo 12:49

Nampapara ray totontonen a nepeg a tombuken na saray nianak ya Israelita tan saray sangkailin manaayam ed bansa yo.”

Levitico 24:22

Sayan ganggan et para sikayon amin ya Israelita tan saray sangkailin manaayam ed dalin yo, lapud siak so Katawan a Dios yo.”

Saray Bilang 15:15

Diad amin a panaon ya onsabi, nampara ray totontonen a para sikayo tan saray sangkailin manaayam ed kawalaan yo. Anggapo so pandomaan yo ed arap na Katawan;

Saray Bilang 15:16

anggapo met so pandomaan na saray ganggan tan saray totontonen a nepeg yon onuren tan nepeg dan onuren.

Saray Bilang 15:29

Sayan totontonen et onkana ed siopaman a makapanggawa na ag to ginagalan kasalanan, nianak man ya Israelita odino sakey a sangkailin manaayam ed kawalaan na saray Israelita.

Juan 4:20

Saray lalaki mi inggalang day Dios ed sayan palandey; balet sikayo ran Judio kuanyon diad Jerusalem so nepeg a pangigalangad Dios.”

Deuteronomio 11:29

No say Katawan niyakar to kayo lad dalin a panayaman yo, nepeg ya ibawag yo manlapud Palandey na Gerizim so bindision tan manlapud Palandey na Ebal so samba. (

Deuteronomio 31:12

Pantitipon yo ray amin a lalaki, bibii, tan saray ogogaw, tan saray sangkailin manaayam ed saray baley yo, pian narengel dan amin so Ganggan tan naaralan da so ontakot ed Katawan a Dios yo tan matoor dan onuren iray bangat to.

Deuteronomio 31:25

Kayari ton insulat, inkuantod saray Levitan papari a makaoley ed Kaban na Sipanan na Katawan,

Deuteronomio 31:9

Kanyan insulat nen Moises so Ganggan na Dios tan inter tod saray Levitan papari, a makaoley ed Kaban na Sipanan na Katawan, tan diad saray pangulo na Israel.

Josue 23:2

kanyan tinawag toy intiron Israel, saray mamatakken, saray pangulo, saray huis, tan saray opisyal na saray totoo, tan kuanto, “Masikesiken ak la.

Josue 24:1

Tinipon nen Josue ed Sikem iray amin a totood tribu na Israel. Tinawag to ray mamatakken, saray pangulo, saray huis, tan saray opisial na Israel, tan pinmarontal irad arap na Dios.

Josue 3:14

Panaon ed saman na panagani, tan onlilipua so ilog. Nen tinaynan na saray totoo imay kampo, ta ombaliw irad Ilog na Jordan, inmonad sikara iray may papari a sankasakbat day Kaban na Sipanan na Katawan. Kalasur da ra may papari ed danum,

Josue 3:3

tan inkuandad saray totoo, “No kanengneng yod saray paparin sankaawit day Kaban na Sipanan na Katawan a Dios yo, taynan yoy kampo tan tombuk kayod sikara.

Josue 3:6

Insan to imbagad saray papari a sakbaten da may Kaban na Sipanan tan onona ran ombuat nen saray totoo. Ginawa ra so imbaga to.

Josue 4:10

Nanalagey ed pegley na Jordan ira may papari anggad asumpal ya amin iray ingganggan na Katawan ya ibaga nen Josue a gawaen na saray totoo. Sikato yay ingganggan nen Moises. Nangganat a binmaliw ira may totoo.

Josue 4:18

et nen akasabi rad pandel na ilog ira may papari, inmagos lamet imay ilog tan asapat toy anggad saray pandel.

Josue 6:6

Tinawag nen Josue iray papari tan inkuantod sikara, “Sakbat yoy Kaban na Sipanan, tan pitorad sikayo so manayam ed arap to a sankaawit da ray trumpita.”