Josue 8:29 - Maung A Balita Biblia

²⁹ Insabit tod tagey na kiew so bangkay to may ari na Ai, tan pinaolyan tod man ya anggad mansironget. Nen onseselek lay agew ingganggan nen Josue ya alaen da, insan impaibantak tod lolooban na siudad. Binontonan da na amayamay a bato a wadman ni ra ya anggad natan.

Maung a Balita Biblia

²⁹ Insabit tod tagey na kiew so bangkay to may ari na Ai, tan pinaolyan tod man ya anggad mansironget. Nen onseselek lay agew ingganggan nen Josue ya alaen da, insan impaibantak tod lolooban na siudad. Binontonan da na amayamay a bato a wadman ni ra ya anggad natan.

Josue 8:29 Iomraidhean Croise

2 Samuel 18:17

Inala ray bangkay nen Absalom, impelag dad aralem a bobun ed takel, insan da tinabunan na saray bato. Amin ya Israelita batik ed kaabungan da.

Ester 7:10

Kanyan nibitay si Haman ed panagbitayan ya impagawa ton para si Mardokeo. Insan kinmepa so pasnuk na ari.

Saray Salmo 107:40

pinabaingan to ray mamapairap ed sikara, tan impanakar-akar to rad kalawakan ya anggapoy basbas.

Saray Salmo 110:5

Say Katawan et walad nikawanan a diking mo; taloen to ray arari no sikato lay mamasnuk.

Juan 19:31

Agew na Biarnes ed saman, et ag labay na saray Judio a natilak so bangkay ed tagey na krus no Agew na Panagpainawa, ta masanto yan agew ed sikara. Kanyan kinerew dad kinen Pilato ya iyabuloy ton poteren da ray bikking da ra may impasak ed krus, tan iyepas da ra.

Saray Gawgawa 12:23

Diad saman a bekta, kinabil na sakey ya anghil na Dios si Herodes lapud ag to pinagalangan so Dios. Binigis day laman to, insan inatey.

Josue 10:30

Impanalo met na Katawan iray Israelita ed sayan siudad tan say ari to. Anggapoy inkera ra ya anggan sakey, no ag ta pinatey da ray amin a totood man. Ginawa rad ari na Libna so singa samay ginawa ra ed ari na Jerico.

Josue 10:33

Si Ari Joram na Gezer dinmagon ontulong ed Lakis, balet tinalo nen Josue tan saray sondalo to tan anggapoy intilak dad sikaran mabilay.

Josue 12:9

Saray totood Israel tinatalo da ray arari na onggendan iran siudad: Jerico, Ai (abay na Betel),

Josue 7:26

Tinabunan day ankakabaleg a bato si Acan; wadman ni ra yan bato ya anggad natan. Sikato yay makasengeg a sayan pasen et atawag na Patar na Gunigon. Lapud sayan agawa kinmepa so mapalalon pasnuk na Katawan.

Josue 8:23

likud labat ed ari na Ai. Dinakep da tan inyakar dad kinen Josue.