Josue 8:1 - Maung A Balita Biblia

¹ Say Katawan kuantod kinen Josue, “Itagar mo ray amin a sondalo tan laka yod Ai. Ag kayo natatakot o nanaandiay biskeg na linawa. Panaloen ta kayo ed ari na Ai; nakayaryan yo ray totoo to, say siudad to, tan say dalin to.

Maung a Balita Biblia

¹ Say Katawan kuantod kinen Josue, Itagar mo ray amin a sondalo tan laka yod Ai. Ag kayo natatakot o nanaandiay biskeg na linawa. Panaloen ta kayo ed ari na Ai; nakayaryan yo ray totoo to, say siudad to, tan say dalin to.

Josue 8:1 Iomraidhean Croise

Saray Salmo 27:1

Say Katawan so silew tan kilalaban ko, kanyan anggapoy tatakotan ko. Say Katawan so mangyaagel ed siak ed antokaman a kaatapan; ag ak balut ontakot.

Saray Salmo 44:3

Saray totoom ag da sinamsam so dalin diad panamegley na saray ispada ra; ag da dinakep diad panamegley na dilin pakayari ra. Sinamsam da diad panamegley na dilin pakayarim tan biskeg mo, diad panamegley na kiwawalam ed pegley da, ya angipanengneng ya inarom ira.

Saray Salmo 46:11

Walad sikatayoy Katawan a Makapanyarin-amin; say Dios nen Jacob so salimbeng tayo.

Isaias 12:2

Say Dios so manangilaban ko; manmatalek ak ed sikato, et ag ak antakot. Say Katawan iitdan to ak na pakayari tan biskeg; sikatoy manangilaban ko.

Isaias 43:2

No ondalan kad aralem a danum, wala ak ed sika; ag ka natabunan na saray gunigon mo. No ondalan kad apoy, ag ka napoolan; ag ka napasakitan na saray ambelat a subok ya onsabid sika.

Jeremias 46:27

“Sikayo ran totook, ag kayo natatakot, totood Israel, ag kayo ontatalaw. Iyagel ta kayo ed saman ya araw-dawin pasen, diad saman a dalin ya akaprisoan yo. Ompawil kayod dalin yo, tan mareen so panayam yo; niarawi kayod kaatapan, tan anggapo lay manaktakot ed sikayo.

Jeremias 49:3

Totoon taga Hesbon, eyag kayo! Aderal la so Ai! Bibiin taga Rabba, manermen kayo! Mankawes kayoy sako tan manermen kayo. Mambatik-batik kayon ag yo amtay gagawaen yo. Naalad arum a bansa so dios yon Moloc a pati saray papari tan saray prinsipi to.

Daniel 2:21

Walad lima to so oras tan say panaon; sikatoy mangipapayorung tan mangeekal ed saray arari; sikatoy mangiiter na kakabatan ed saray makabat tan say pakatalus ed saray makatalus.

Daniel 4:25

Napaarawi kad kawalaan da ray totoo tan manayam kad kawalaan da ray ayayep ed katakelan. Pitoy taon a mangan kay dika a singa baka, tan manogip ka ed pasen ya anggapoy tarung, a diman ka nalinaewan. Insan birbiren mo a walad silong na pakaoley na Sankatageyan a Dios iray nanarian na too tan nayarian to ran iter ed siopaman a labay ton pangitdan.

Daniel 4:35

Say pakanengneng tod amin a katoowan et anggapoy kabaliksan da; walad silong na pakayari to iray anghil ed tawen tan saray totoo ed mundo. Anggapoy makasumlang ed linawa to odino makasumpa ed gagawaen to.

Mateo 8:26

“Akin et ontan lay takot yo?” kuanen Jesus. “Agaylay kapoy na pananisia yo!” Inmalagey ed satan si Jesus, tan ingganggan ton ontonday bagyo tan saray daluyon. Tinmondan tuay bagyo tan dinmeen so dayat.

Deuteronomio 31:8

Say Katawan a dili so mangiwanwan ed sika tan olupen to ka. Ag to ka paolyan o ikaindan; kanyan ag mo pabebeteley linawam tan ag ka ontatakot.”

Deuteronomio 7:18

Ag kayo ontatakot ed sikara; nunot yo may ginawa na Katawan a Dios yo ed ari na Egipto tan amin a totoo to.

Deuteronomio 7:21

Kanyan ag kayo ontatakot ed sarayan totoo. Kaolup yo so Katawan a Dios yo; sikatoy Dios a makapanyari tan nepeg a takotan.

Josue 1:9

Ag mo lilingwanan ya ingganggan ta kan mampabiskeg na linawa tan manmatalek. Ag ka ontatakot tan ag mo pakakapoyey linawam, ta siak a Katawan a Dios mo et olupen ta ka ed iner man a laen mo.”

Josue 10:7

Kanyan nampikal ed Gilgal ira di Josue tan amin a sondalo to a pati saray sankamaungan a bumabakal.

Josue 10:8

Inkuan na Katawan ed kinen Josue, “Ag kayo ontatakot ed sikara; impanalo ta kayo lad sikara. Anggapod sikaray nayarin onlaban ed sikayo.”

Josue 2:24

tan inkuanda, “Anggapoy duaruwa min say Katawan inter tod sikatayo man ya intiron bansa. Natatakot ed sikatayo iray amin a totood man.”

Josue 6:2

Inkuan na Katawan ed kinen Josue, “Ipapalimak ed sika so Jerico, pati say ari to tan amin da ray masebeg a sondalo to.

Josue 7:9

Narengelan yan andi-saew na saray Cananeo tan amin a totoo ed bansa. Liktuben da kami tan pateyen day balang sakey ed sikami! Antoy gawaen mod satan a pangyagel mod kagalangan mo?”