Josue 7:7 - Maung A Balita Biblia

⁷ Insan inkuanen Josue, “Katawan a Dios, akin et pinabaliw mo kami ni ed Jordan? Pian nipalima mo kami ed saray Amorreo? Pian napatey mo kami? Akin et ag kami labat la nanayam diman ed basil na Jordan?

Maung a Balita Biblia

⁷ Insan inkuanen Josue, Katawan a Dios, akin et pinabaliw mo kami ni ed Jordan? Pian nipalima mo kami ed saray Amorreo? Pian napatey mo kami? Akin et ag kami labat la nanayam diman ed basil na Jordan?

Josue 7:7 Iomraidhean Croise

2 Saray Arari 3:10

“Agayla yan inkagawa!” eyag nen Ari Joram. “Say Katawan impanoolup to tayon talo ya ipalimad ari na Moab!”

Saray Salmo 116:11

anggan nen natatakot ak, inkuanko, “Anggapoy toon napampiaan.”

Exodo 16:3

Inkuandad sikara, “Magmaung ni la laingen komun no say Katawan et pinapatey to kamid man ed Egipto. Nayarian mid may ondongo a mangan na karni tan arum ni ran kakanen ed anggaay nayarian mi. Balet inawit yo kami a pateyen ed eras diad kalawakan.”

Exodo 17:3

Balet mapalaloy inkapgaan na saray totoo, kanyan intuloy day nanriklamo ed kinen Moises. Inkuanda, “Akin et impaway mo kamid Egipto? Pian napatey mo kamid eras, sikami, saray anak mi, tan saray ayayep mi?”

Saray Bilang 14:16

a pinatey mod kalawakan iray totoom lapud ag mo nayarian iran iyakar ed dalin ya insipan mon iter ed sikara.

Saray Bilang 14:3

Akin et say Katawan iyakar to itayod saman a dalin? Napatey itayo ed bakal, tan nadakep iray kaasawaan tan saray anak tayo. Ag magmaung nin ompawil itayod Egipto?”

Mateo 17:17

Inmebat si Jesus: “Agaylay kinaoges tan ag yo panisiad Dios, sikayon totood sayan panaon! Anggad kapigan kasiy piolup-olup kod sikayo? Anggad kapigan kasiy pananos kod sikayo? Iyakar yo pa dia tay ogaw.”

Mateo 17:20

Inmebat si Jesus, “On, ta kulang so pananisia yo. Tandaan yo ya! No walay pananisia yon anggan singa kamelag na bokel na mustasa, nayarian yon ibagad sayan palandey ya onalis, et onalis a tua. Anggapoy ag yo nagawaan!”

Saray Hebreo 12:5

Alingwanan yo la sirin imay imbilin na Dios ed sikayon anak to, saramay salitan makapabiskeg na linawa yo? “Anak ko, ag mo mumurmuraen so panusa ed sika na Katawan, tan no pampasnukan to ka, ag mo pakakapoyey linawam.

Josue 7:6

Si Josue tan saray pangulo na Israel pinipilat day kawes da lapud ermen da, intitiblak day laman da ed dalin diad arap na Kaban na Sipanan na Katawan, tan nandodokul irad man ya anggad labi, a kadadabuk so kaoloan da diad pangipanengneng dad ermen da.

Josue 7:8

Anto kasiy nibagak, O Katawan, natan a sinmener so Israel ed saray kalaban to?

1 Samuel 4:3

Nen pinmawil ed kampo iray ag apatey ed bakal, inkuan na saray pangulod Israel, “Akin et inyabuloy na Katawan a taloen itayo natan na saray Filisteo? Tila ta alaen tayod Silo so Kaban na Sipanan na Katawan, pian milad sikatayo so Katawan tan iyagel to itayod saray kalaban tayo.”