Josue 7:5 - Maung A Balita Biblia

⁵ Inosilan ira na saray lalakin taga Ai manlapud puirta na siudad ya anggad saray pigaran panagalaan na tinabas a bato tan pinatey day sakey a talomplo tan anem ed sikara diad alusadsar na pokdul. Lapud saya nakalay biskeg na linawa iray Israelita tan ataktakot ira.

Maung a Balita Biblia

⁵ Inosilan ira na saray lalakin taga Ai manlapud puirta na siudad ya anggad saray pigaran panagalaan na tinabas a bato tan pinatey day sakey a talomplo tan anem ed sikara diad alusadsar na pokdul. Lapud saya nakalay biskeg na linawa iray Israelita tan ataktakot ira.

Josue 7:5 Iomraidhean Croise

Saray Salmo 22:14

Anggapo lay biskeg ko; naandin singa danum a naibung ed dalin. Akidkidwas la ray amin a pokepokel ko; atonaw a singa kandila so pusok.

Saray Salmo 58:7

Naandipat ira komun a singa danum ya onaagos ed arawi; nagatin-gatinan tan namagaan ira komun a singa dikarikad basbas.

Isaias 13:7

Nalaylay iray amin a taklay, tan ombetel so linawa na balang sakey a too.

Ezekiel 21:7

No tepeten dad sika no akin et mandadageyem ka, ibagam ed sikara a lapud onsasabin balita. No onsabi tan a balita, napano na takot so kapusoan da, nalaylay so kalimaan da, naekalan iray biskeg na linawa, tan ompayegpeg iray pueg da. Sinmabi lay panaon; wadya la.” Say Katawan a Dios so nansalita.

Levitico 26:36

“Pagmaliwen ta kayon mapalalon matakot, sikayon nibantak ed arum a bansa, kanyan anggan diad kalasakas labat na bolung ombatik ki la. Ombatik kayon singa oosilan ed bakal tan natumba kayo, anggan anggapoy kalaban ed abay yo.

Nahum 2:10

Aderal la so Ninive, ataynan lan begtebegtew! Napoponaw ed takot iray kapusuan, mankalog iray pueg, naandi lay biskeg; mampotiy bosaleg iray kalupaan.

Deuteronomio 1:44

Insan pinmaway a singa karakel na bayaung iray Amorreon manaayam ed saman a kapokdulan tan nilabanan da kayo. Inosilan da kayo ya anggad Horma tan tinalo da kayod kapokdulan a dalin na Edom.

Josue 2:11

Kadngel mid saman a balita ataktakot kami; kinmapoy so linawa mi lapud sikayo. Say Katawan a Dios yo, et Dios ed tawen tan diad tapew na dalin.

Josue 2:9

kuantod sikara, “Amtak ya inter ed sikayo na Katawan yan dalin. Natatakot ed sikayo ya amin iray tood sayan bansa.

Josue 5:1

Amin da ray ari na Amorreo diad bokig na Jordan tan amin da ray ari a Cananeo diad gilig na Dayat na Mediteraneo nadngelan dan pinaekat na Katawan so Jordan anggad impakabaliw na saray totood Israel. Ataktakot ira tan nakalan iray biskeg na linawa lapud saray Israelita.