Josue 7:26 - Maung A Balita Biblia

²⁶ Tinabunan day ankakabaleg a bato si Acan; wadman ni ra yan bato ya anggad natan. Sikato yay makasengeg a sayan pasen et atawag na Patar na Gunigon. Lapud sayan agawa kinmepa so mapalalon pasnuk na Katawan.

Maung a Balita Biblia

²⁶ Tinabunan day ankakabaleg a bato si Acan; wadman ni ra yan bato ya anggad natan. Sikato yay makasengeg a sayan pasen et atawag na Patar na Gunigon. Lapud sayan agawa kinmepa so mapalalon pasnuk na Katawan.

Josue 7:26 Iomraidhean Croise

2 Samuel 18:17

Inala ray bangkay nen Absalom, impelag dad aralem a bobun ed takel, insan da tinabunan na saray bato. Amin ya Israelita batik ed kaabungan da.

2 Samuel 21:14

Insan da impompon iray pokel di Saul tan Jonatan diad lobuk na ama nen Saul a si Kis a taga Zela, diad pasen a nasasakopan nen Benjamin; ginawa ray amin ya ingganggan na ari. Kayari to ya, dinengel na Dios iray pikakasi ran para bansa.

2 Saray Awaran 29:10

“Ginetmak la natan a misipanan itayo ed Katawan, say Dios na Israel, pian ontonda lay pasnuk tod sikatayo.

Esdras 10:14

Patilak mo lad Jerusalem iray opisyal mi, ta sikara lay akaoley ed sayan pamaakaran. Insan balang sakey a walay asawa ton taga arum a bansa et onla dia ed niganan oras, a kaiba to ray pangulo tan saray huis na siudad to. Diad onya onkepa so pasnuk na Dios ed sayan agawa.”

Saray Salmo 85:4

Papawil mo kami pad sika, O Dios a manangilaban mi, tan tondaan mo pa lay ag mo pakaliliket ed sikami!

Exodo 32:12

Akin et abuloyan mon saray Egipsio et nayarian dan ibaga ya impaway mod Egipto iray totoom, ta getmam a pateyen ira ed kapalandeyan tan deralen iran sigput? Ag ka la kari mamapasnuk; mangoman ka lay kanunotan tan ag mo la komun ipapadalan so deral ed saray totoom.

Isaias 40:2

Pabiskeg yoy linawa da ray totoo ed Jerusalem. Ibaga yod sikaran andokey lay paniirap da tan apirdona la ray kasalanan da. Sigput ko la ran dinusa lapud amin a kasalanan da.”

Isaias 65:10

Igalang da ak tan ipastol da ray karniro tan saray baka ra ed Patar na Saron diad sagur tan diad Patar na Gunigon diad bokig.

Saray Tagleey 3:53

Impelag da ak a mabilay ed dalem na bobun, insan da sinakuban na bato so sangab.

Oseas 2:15

Ipawil kod sikato may kaubasan a kayaryan to nen saman, tan pagmaliwen kon puirta na ilalo so Patar na Gunigon. Ebatan to ak diman a singa samay ginawa to nen malangwer ni, sanen sikatoy pinmaway a nanlapud Egipto.

Oseas 2:17

Ag ko lan balut pabitlad sikato so ngaran a Baal.

Joel 2:13

Ipapuso yoy panermen yo; aliwan masarag so pampilat yod kawes yo.” Pawil kayod Katawan a Dios yo, ta maabagey tan mapangasi; sikatoy maanos tan totooren toy sipan to; sipaparaan a mamirdona, aliwan manusa.

Joel 2:18

Insan say Katawan impanengneng toy panagnunot tod dalin to; walay panangasi tod saray totoo to.

Jonas 1:15

Insan da inalay Jonas tan imbantak dad dayat; et kinmalmadan tampol imay dayat.

Zacarias 6:8

Insan inmeyag ed siak imay anghil, “Pinakepa na saramay kabayon linmad baybay ed Babilonia so pasnuk na Katawan.”

Saray Bilang 25:8

tinombuk to may laki tan bii a walad dalem na tulda, insan to ra dinoyuk a dua et pinmaway so ngeroy pika ed kabalgay bii. Diad onya apatonda may salot a mandederal ed Israel,

Deuteronomio 13:17

Ag kayo mangisisinup na antokaman a nepeg a deralen, et diad satan onkepa so ontan lan pasnuk na Katawan tan abageyen to kayo. Kasian to kayo tan parakelen to kayon totoo, onung na insipan tod saray lalaki yo,

Deuteronomio 13:18

no onuren yo ray amin a ganggan ya inter kod sikayo diad sayan agew, tan gawaen yo ray amin a matonung.

Josue 10:27

Diad inselek na agew impaiyepas nen Josue ira may bangkay tan impaibontuk to rad samay ongib ya inamutan da ra may arari. Ankakabaleg a bato so insara da ed sangab na samay ongib, et wadman ni ra ya anggad natan.

Josue 7:24

Si Josue tan amin a totood Israel siningkat day Acan, samay pilak, samay kolibemben, samay baritan balituk, pati saray lalaki tan saray bibiin anak nen Acan, saray baka to, saray asno to, saray karniro to, samay tulda to, tan saray arum nin kayaryan to; insan da ra inyakar ed Patar na Gunigon.

Josue 8:29

Insabit tod tagey na kiew so bangkay to may ari na Ai, tan pinaolyan tod man ya anggad mansironget. Nen onseselek lay agew ingganggan nen Josue ya alaen da, insan impaibantak tod lolooban na siudad. Binontonan da na amayamay a bato a wadman ni ra ya anggad natan.