Josue 7:1 - Maung A Balita Biblia

¹ Ag asumpal imay ganggan na Katawan ed saray Israelita ya ag iran balut mangala ed Jerico na antokaman a nepeg a deralen, ta angala si Acan. Lapud saya mapalaloy pasnuk na Katawan ed sikara. (Si Acan et anak nen Carmi tan apo nen Sabdi, tan kabyangan na boleg nen Zera a kabyangan na tribu nen Juda.)

Maung a Balita Biblia

¹ Ag asumpal imay ganggan na Katawan ed saray Israelita ya ag iran balut mangala ed Jerico na antokaman a nepeg a deralen, ta angala si Acan. Lapud saya mapalaloy pasnuk na Katawan ed sikara. (Si Acan et anak nen Carmi tan apo nen Sabdi, tan kabyangan na boleg nen Zera a kabyangan na tribu nen Juda.)

Josue 7:1 Iomraidhean Croise

Genesis 34:27

Kasumpal na impanpapatey nen Simeon tan si Levi, sinmabi ray arum ya anak nen Jacob tan inala ray amin a naala ra ed baley. Ginawa ra ya, pian makabawi ra ed inkaderal na kagalangan na agi ra.

2 Samuel 24:1

Aminsan akapasnuk so Katawan ed Israel, kanyan tinanggoyur ton mangiter na gunigon ed saray Israelita si David. Inkuan na Katawan ed sikato, “Laka, ta bilang mo ray totood Israel tan Juda.”

2 Saray Arari 5:24

Kasabi rad pokdul a panaayaman nen Eliseo, inala nen Giezi imay duaran supot tan inyakar to ra ed abung. Insan pinapawil to la ra may duaran aripen nen Naaman.

1 Saray Awaran 21:7

Ag akaliket so Dios ed sayan agawa, kanyan dinusa toy bansa na Israel.

2 Saray Awaran 24:18

Tinondaan na saray totoo so mangigalang ed Timplo na Katawan, say Dios na saray lalaki ra, tan angigalang irad saray talintaoy diriyos tan saray talintaoy diosan Asera. Lapud sayan kasalanan na saray totood Juda tan Jerusalem, akapasnuk so Katawan ed sikara.

Esdras 9:6

Inkuan ko, “Ambaing ak a mangitangway olok ed arap mo, O Dios. Atagey nen saray olo mi so bontun na saray kasalanan mi; toktokdulen da lay katawenan.

Say Libro nen Job 35:8

Saray kaparam a totoo so manirap lapud saray kasalanan mo, tan sikaray natulongan lapud kaabigan mo.

Ecclesiastes 9:18

Dakel nin kaabigan so nagawaan na kakabatan nen say nagawaan na saray armas a para bakal, balet say sakey a makasalanan baleg a kaabigan so naderal to.

Daniel 9:7

O Katawan, matonung lawas so gagawaen mo, balet impelag miy sikamin dili ed kababaingan. Tua ya ed amin min manaayam ed Juda tan diad Jerusalem; tua met ya ed amin da ray Israelitan inkakayat mod saray bansan walad arawi odino asingger lapud aliwa ran matoor ed sika.

Levitico 10:6

Insan inkuanen Moises ed kinen Aaron tan diad saray lalakin anak to a di Eleazar tan Itamar, “Ag yo papaolyan ya agotgot so buek yo, odino pipilaten iray kawes yo diad pangipanengneng yon maneermen kayo. No gawaen yo ompatey kayo, tan say Katawan mampasnuk ed amin ya Israelita. Balet amin a kapara yon Israelita et naabuloyan iran manermen, lapud sayan patey a say makasengeg et say apoy ya impelag na Katawan.

Jonas 1:7

Saray mariniro kuandad sakey tan sakey ed sikara, “Mambibinagut itayo, ta nengnengen no siopay nepeg a natetel ed sayan asagmakan tayon kaatapan.” Nambibinagut ira sirin, et say ngaran nen Jonas so abagut.

Josue 22:16

Insan insalitaan day amin a totoo na Katawan ya inkuanda, “Akin et ginawa yo yan kaogsan a sumpad Dios na Israel? Sinumlang yoy Katawan diad impamaalagey yod sayan altar a para sikayon dili! Ag yo la oonuren so Katawan!

Josue 22:18

Ag yo la labay ya onuren natan? No onsumlang kayo natan ed Katawan, pampasnukan to ray Israelita ed anggan arapen a panaon.

Josue 22:20

Ag yo ta nanunotan imay ag impangonur nen Acan a lakin anak nen Zera ed ganggan a nipaakar ed saray bengatlan nepeg a deralen, et adusa so intiron totood Israel? Aliwan si Acan labat so inatey lapud samay kasalanan to.”