Josue 6:6 - Maung A Balita Biblia

⁶ Tinawag nen Josue iray papari tan inkuantod sikara, “Sakbat yoy Kaban na Sipanan, tan pitorad sikayo so manayam ed arap to a sankaawit da ray trumpita.”

Maung a Balita Biblia

⁶ Tinawag nen Josue iray papari tan inkuantod sikara, Sakbat yoy Kaban na Sipanan, tan pitorad sikayo so manayam ed arap to a sankaawit da ray trumpita.

Josue 6:6 Iomraidhean Croise

Exodo 25:14

insan mo ra isolung ed saray liken na kapag diking na Kaban.

Saray Gawgawa 9:1

Si Saulo, balet, itutuloy toy getma ton manaktakot tan mamatey ed saray disipulo na Katawan. Linmad Pangulon Pari,

Josue 24:11

Binaliw yoy Jordan tan linma kayod Jerico. Nilabanan kayo na saray lalakid Jerico a singa ginawa na saray Amorreo, Perezeo, Cananeo, Heteo, Gergaseo, Heveo, tan saray Jebuseo. Balet impanalo ta kayod sikaran amin.

Josue 3:3

tan inkuandad saray totoo, “No kanengneng yod saray paparin sankaawit day Kaban na Sipanan na Katawan a Dios yo, taynan yoy kampo tan tombuk kayod sikara.

Josue 3:6

Insan to imbagad saray papari a sakbaten da may Kaban na Sipanan tan onona ran ombuat nen saray totoo. Ginawa ra so imbaga to.

Josue 6:5

Insan mamaknul ira na sakey a maksil a tunon andokorokey. Kadngel yod satan a tanul, oneyag na makmaksil iray amin a totoo, et nageba ray padir na siudad. Insan onkalab ed siudad iray amin a sondalo.”

Josue 6:7

Insan ingganggan to ray totoo to a gapoan day onliber ed siudad; saray guardia so ononan onliber a tomtombuken ira na samay Kaban na Sipanan na Katawan.

Josue 6:8

Kanyan onung na ingganggan nen Josue, wala ray guardian akaonad saray paparin mamapaknul na trumpita; manomtombuk ed saraya iray paparin manasakbat ed Kaban na Sipanan a totombuken ira na saray guardiad beneg. Legan dan liliberen so siudad napapaknul iray trumpita.

1 Samuel 4:3

Nen pinmawil ed kampo iray ag apatey ed bakal, inkuan na saray pangulod Israel, “Akin et inyabuloy na Katawan a taloen itayo natan na saray Filisteo? Tila ta alaen tayod Silo so Kaban na Sipanan na Katawan, pian milad sikatayo so Katawan tan iyagel to itayod saray kalaban tayo.”