Josue 6:24 - Maung A Balita Biblia

²⁴ Insan da pinoolan so siudad tan amin a logan to, likud labat ed saray bengatlan ginawad balituk, pilak, gansa, tan balatyang, ta inaala da ra tan inyaakar da ra ed panagsinupan na kayamanan na Katawan.

Maung a Balita Biblia

²⁴ Insan da pinoolan so siudad tan amin a logan to, likud labat ed saray bengatlan ginawad balituk, pilak, gansa, tan balatyang, ta inaala da ra tan inyaakar da ra ed panagsinupan na kayamanan na Katawan.

Josue 6:24 Iomraidhean Croise

2 Samuel 10:5

Ag da labay so onsempet, ta ontan lay baing da. Nen akabatan nen David so agawa, impaibaga ton manayam ni rad Jerico ya anggad itoboy balbas da, insan la ra onsempet.

2 Saray Arari 25:9

Pinoolan toy Timplo, say palasio, tan say kaabungan na amin da ray totoon atagey so kipapasen ed Jerusalem,

1 Saray Awaran 18:11

Insaklang nen David ira ya ed Katawan a pati saray pilak tan balituk a nalnala tod saray bansan tinatalo to—Edom, Moab, Ammon, Filistia, tan Amalec.

Saray Bilang 31:10

Pinopoolan da ray amin a siudad da tan saray kampo ra.

Deuteronomio 13:16

Pantitipon yon ibunton ed plasa iray amin a kayaryan na saray totoon manaayam diman. Insan yo poolan so baley tan amin a logan to a sikatoy sakey a bagat ed Katawan a Dios yo. Nepeg a satan a baley et paolyan ya aderal-deral ya anggad angga tan ag lan balut pasimbaloen ya ipaalagey.

Deuteronomio 13:17

Ag kayo mangisisinup na antokaman a nepeg a deralen, et diad satan onkepa so ontan lan pasnuk na Katawan tan abageyen to kayo. Kasian to kayo tan parakelen to kayon totoo, onung na insipan tod saray lalaki yo,

Deuteronomio 20:16

“Balet no adakep yo la ray siudad ya iiter ed sikayo na Katawan a Dios yo, patey yoy balang sakey a too.

Josue 11:11

Pinapatey da ray amin a totood man; anggapoy inkera ran mabilay, tan pinoolan da so siudad.

Josue 6:19

Amin a bengatlan ginawa ed pilak, balituk, gansa, odino balatyang et ibiig iran para Katawan. Nepeg ya iyakar ira ed panagsinupan na kayamanan na Katawan.”

Josue 6:25

Balet si Josue impaliis tod patey si Rahab a marotak a bii tan amin da ray kakanayon to, lapud inyamut nen Rahab ira may duaran ispia ya imbaki nen Josue ed Jerico. (Manaayam nid Israel ya anggad natan iray kabyangay boleg nen Rahab.)

Josue 8:28

Pinoolan nen Josue so Ai tan tinaynan ton aderal-deral. Onya niy kipapasen to ya anggad natan.

Puyan 17:16

Saramay samploran saklur ya anengneng mo tan samay ayep bosulen da may marotak a bii. Alaen da ray amin a walad sikato, tan taynan dan anggapoy akasolung ed laman to. Buagen day laman to, insan da poolay nakeraan.

Puyan 18:8

Lapud saya, mambabansag ya onsabid sikato iray salot ed loob na sakey agew: sakit, ermen, tan eras. Sikatoy napoolan, ta makapanyari so Katawan a Dios a manintinsiad sikato.”