Josue 6:23 - Maung A Balita Biblia

²³ Kanyan linma ran angipaway ed kinen Rahab a pati si ama to, ina to, saray agagi ton lalaki, tan arum ni ran kabyangay pamilya to. Inala da ran amin, saray kabyangay pamilya to tan saray aripen to, tan inyakar da rad asingger ed kampo da ray Israelita.

Maung a Balita Biblia

²³ Kanyan linma ran angipaway ed kinen Rahab a pati si ama to, ina to, saray agagi ton lalaki, tan arum ni ran kabyangay pamilya to. Inala da ran amin, saray kabyangay pamilya to tan saray aripen to, tan inyakar da rad asingger ed kampo da ray Israelita.

Josue 6:23 Iomraidhean Croise

Genesis 12:2

Itdan ta kay amayamay a kabyangay boleg mo, tan magmaliw iran sakey a bansan matalonggaring. Bindisionan ta ka tan pagmaliwen kon bantug so ngaran mo, pian sikay pakabindisionan na arum a totoo.

Genesis 18:24

No wala bilang ed siudad so limamplon totoo a matonung, deralen mo nin siansiay intiron siudad? Ag mo kasi palabasen, pian nilaban ira may limamplo?

Genesis 19:29

Balet nen dineral na Dios iray siudad na saman a patar a panaayaman nen Lot, ag to nilingwanay Abraham, kanyan inabuloyan ton nibatikan nen Lot so deral.

Saray Bilang 31:19

Natan amin yo ya akapatey na siopaman odino aniwit na bangkay et nepeg a manayam a pitoy agew ed paway na kampo. Diad kumatlo tan diad kumapiton agew linisan yoy sikayon dili onung ed ganggan tan saray bibiin adakep yo.

Saray Gawgawa 10:28

Inkuanto, “Kabat yo a sebel ed sakey a Judio so mikaaro odino ombisitad aliwan Judio. Balet impaamtay Dios ed siak ya ag ko ipasen a marotak o ag manepeg a piolupan so anggan siopa.

Saray Gawgawa 27:24

‘Ag ka natatakot, Pablo!’ inkuanto. ‘Nepeg moy onarap ed Impirador. Lapud sika, ilaban na Dios iray amin a kakaibam a mambiabiahi.’

1 CORINTO 5:12

Ta anggapoy kanepegan kon sintinsiaan iray aliwan Cristiano. Say Dios so manintinsiad sikara. Ag ta sikayoy manintinsia ed saray walad loob na iglisia? Onyay ibabagay Masanton Sulat, “Paekal yoy maoges a too ed olupan yo.”

TAGA-EFESO 2:12

Nunot yon asian kid Cristo ed saman a panaon, aliwa kayon kabyangay baley na Israel, tan anggapoy pinanabang yod saray sipanan a niletneg ed saray sipay Dios ed saray totoo to. Mambibilay kid saman ya anggapoy ilalo tan anggapoy Dios.

Saray Hebreo 11:31

Lapud pananisia, si Rahab a marotak a bii ag apipatey nen pinapatey da ra may ag tinmoluk ed Dios, lapud mabolbolus so linawa ton angawat ed saray ispia.

Saray Hebreo 11:7

Lapud pananisia, dinengel nen Noe so pasakbay na Dios nipaakar ed saray nagawan ag to ni nanengneng. Tinmoluk ed Dios; nanggaway sakey a biong, pian nilaban tan say pamilya to. Lapud saya, sinintinsiaan ton nadusay sankamundoan, tan say Dios impasen ton matonung si Noe lapud pananisia to.

Josue 2:13

Isipan yod siak ya iyagel yoy amak tan si inak, saray agagik a lalaki tan bibii, tan amin a kabyangan na pamilya ra! Ag yo kami papapatey!”

Josue 2:16

Inkuantod sikara, “Laka yod kapokdulan ompan narumog kayo na saramay totoo na ari. Amut kid man a taloy agew anggad akapawil la ra. Kayari to sempet ki la.”

Josue 2:18

Onyay nepeg mon gawaen. No looban miy dalin yo, iberber mo yan ambalangan koldon ed bintanan angilasuran mod sikami. Tawad mod abung mo ray ateng mo, saray agagim a lalaki tan amin a kabyangay pamilya nen amam.

Saray Huis 1:25

Kanyan imbangat to ra. Saray totoo nen Efraim tan Manases pinapatey da ray amin a totood siudad, likud ed samay too tan saray kabyangay pamilya to.