Josue 6:21 - Maung A Balita Biblia

²¹ Pinapatey dad panamegley na ispada iray amin a walad siudad, lalaki may bibii, malangwer may matakken. Pinapatey da met iray baka, karniro, tan saray asno.

Maung a Balita Biblia

²¹ Pinapatey dad panamegley na ispada iray amin a walad siudad, lalaki may bibii, malangwer may matakken. Pinapatey da met iray baka, karniro, tan saray asno.

Josue 6:21 Iomraidhean Croise

1 Saray Arari 20:42

Insan inkuan na samay propita ed ari, “Ibabagay Katawan; ‘Lapud inabuloyan mon makabatik so ingganggan ko a pateyen mon too, patey so ibayar mo, tan napatey iray totoom lapud impamabatik mod saray totoo to.’”

Jeremias 48:18

Sikayon manaayam ed Dibon, epas kayod tad pasen a kawalaay kagalangan yo tan yorung kayod dabuk; wadya lay managderal na Moab, tan dineral to ray tirinsira to.

Deuteronomio 13:16

Pantitipon yon ibunton ed plasa iray amin a kayaryan na saray totoon manaayam diman. Insan yo poolan so baley tan amin a logan to a sikatoy sakey a bagat ed Katawan a Dios yo. Nepeg a satan a baley et paolyan ya aderal-deral ya anggad angga tan ag lan balut pasimbaloen ya ipaalagey.

Deuteronomio 2:34

Dinadakep tan dinederal tayo ray amin a baley da, tan pinapatey tayo ray amin a lalaki, bibii, tan saray ogogaw. Anggapoy intilak tayon mabilay ed sikara.

Deuteronomio 7:16

Deral yo ray amin a bansa ya ipatalo ed sikayo na Katawan, tan ag yo ran balut kakasian. Ag yo igagalang iray diriyos da, ta patit ya ed sikayo.

Josue 10:28

Diad saman ya agew dinogpaan tan adakep nen Josue so Maceda tan say ari to. Pinapatey to ray amin a totoon walad siudad; anggapoy atilak a mabilay. Ginawa tod ari na Maceda so singa samay ginawa tod ari na Jerico.

Josue 10:39

Adakep da, pati say ari to tan saray kaliber-liber ton baley. Pinatey day balang too ed saman a pasen. Ginawa nen Josue ed Debir tan say ari to so singa ginawa tod Hebron tan diad Libna tan say ari to.

Josue 11:11

Pinapatey da ray amin a totood man; anggapoy inkera ran mabilay, tan pinoolan da so siudad.

Josue 11:14

Saray totood Israel inaala ray amin a mabmabli ran kagawaan tan saray ayayep ed sarayan siudad tan kinakayaryan da la ra. Balet pinapatey da ray amin a totoo; anggapoy akeraan a mabilay.

Josue 8:2

Gawa yod Ai tan say ari to so singa samay ginawa yod Jerico tan say ari to, balet natan nayarian yon alaen a kayaryanen iray kayamanan to tan saray ayayep to. Iparaan yoy idogpa yon bigla ed beneg na siudad.”

Josue 8:22

Saramay Israelitan walad siudad nampalasur iran akibakal. Kanyan sigput ya aliktub na saray Israelita ira may lalakin taga Ai, tan pinapatey da ra. Anggapoy akabatik ed sikara odino akeraan a mabilay,

Josue 9:3

Balet nen saray Heveo a sikaray totood Gabaon et nadngelan day ginawa nen Josue ed Jerico tan Ai,

Puyan 18:21

Insan dinemet na makapanyarin anghil so sakey a baton singa kabaleg na gilingan. Intupak tod dayat, tan inkuanto, “Onyay kakasil na kitupak na makapanyarin siudad na Babilonia, tan ag lan balut nanengneng!

1 Samuel 15:3

Laka, ta dogpaan mo ray Amalecita, tan deral mon sigput so antokaman a walad sikara. Ag kan balut mangikekera; patey mo ray amin a lalaki, bibii, ogogaw, tan amin a kapangyanak; saray baka, karniro, kamilyo, tan saray asno.”

1 Samuel 15:8

dinakep dan mabilay si Agag ya ari da ray Amalecita, balet pinatey dad panamegley na ispada iray amin a totoo.