Josue 6:17 - Maung A Balita Biblia

¹⁷ Say siudad tan amin a logan to et nepeg a sigput iran deralen tan ibagat irad Katawan. Si Rahab a marotak a bii tan saray kabyangay pamilya to labat so ag yo didiwiten, lapud inyamut to ray ispia tayo.

Maung a Balita Biblia

¹⁷ Say siudad tan amin a logan to et nepeg a sigput iran deralen tan ibagat irad Katawan. Si Rahab a marotak a bii tan saray kabyangay pamilya to labat so ag yo didiwiten, lapud inyamut to ray ispia tayo.

Josue 6:17 Iomraidhean Croise

Genesis 12:3

Bindisionan ko ray mamindision ed sika, Balet isambak iray mangisambad sika. Diad panamegley mo bindisionan kon amin iray bansa ed mundo.”

Esdras 10:8

Saray pangulo da ray totoo so angiganggan ed saya. Siopamay ag makakar ed loob na taloy agew et naalay amin a kayaryan to tan naekal so kanepegan ton kabyangan na olupan.

Isaias 34:6

Naames so ispada to na dala tan taba ra a singa dala tan taba na saray nibagat a kordiro tan kanding. Mangibagat so Katawan ed siudad na Bosra; gawaen to ya a pamatey na dakerakel a totoo ed dalin na Edom.

Jeremias 46:10

Sikato yay agew na Katawan a Dios a Makapanyarin-amin: ombawi natad sayan agew; dusaen to ray kalaban to natad sayan agew. Kanen ira na ispada to ya anggad napsel; inomen toy dala ra ya anggad apenek. Ibagat natad sayan agew na Makapanyarin-amin iray kalaban ton inaatey diad baybay ya asingger ed Eufrates.

Ezekiel 39:17

Say Katawan a Dios kuantod siak, “Sika a toon ompatey, paragom ya amin iray manok tan ayayep a walad kaliber-liber, ta mangan iray bagat ya ipaparaan kon para sikara. Balbaleg yan nagawan pista ed kapalandeyan na Israel, tan dia ra makapangan na karni tan makainom na dala.

Levitico 27:21

Diad arapen a Taon na Panangipawil say alog et magmaliw a masanto tan anggad anggan kayaryan na Katawan; kayaryanen la na saray papari.

Mikias 4:13

Say Katawan kuanto, “Totood Jerusalem, laka yo, ta dusa yo ray kalaban yo! Pagmaliwen ta kayon singa mabiskeg a bakan kalakyan a balatyang iray saklur to tan gansa ray koko to. Temeken yo ray amayamay a bansa, tan iyapay yod siak a Katawan na intiron mundo iray kayamanan a sinasamsam da.”

Mateo 25:40

Onebat so Ari ed sikara, ‘Kuankod sikayo: nen ginawa yo yad anggan sakey a sankamelagan ed sarayan agagik, ginawa yod siak!’

1 CORINTO 16:22

Naayew so siopaman ya ag mangaarod Katawan! Marana tha—Katawan mi, onsabi ka la komun!

1 CORINTO 2:7

Say labay kon ibaga et say niamut a kakabatan na Dios, ya inggana ton pakagalangan tayo nanlapu lad inkapalsay mundo.

TAGA GALACIA 3:10

Amin da ray manmamatalek ed panangonur ed Ganggan, wala rad silong na sakey a samba. Ta ibabagay Masanton Sulat, “Nisamba so balang sakey ya ag ononur ed amin a nisulat ed libro na Ganggan!”

TAGA GALACIA 3:12

Balet ag onsasaral so Ganggan ed pananisia, ta ibabagay Masanton Sulat, “Say toon ononur ed ibabagay Ganggan mambilay ed panamegley to.”

Deuteronomio 20:17

Sigput yon pateyen iray amin a totoo: saray Heteo, saray Amorreo, saray Cananeo, saray Pereseo, saray Heveo, tan saray Jebuseo, onung na ingganggan ed sikayo na Katawan.

Saray Hebreo 11:31

Lapud pananisia, si Rahab a marotak a bii ag apipatey nen pinapatey da ra may ag tinmoluk ed Dios, lapud mabolbolus so linawa ton angawat ed saray ispia.

Saray Hebreo 6:10

Ta matonung so Dios tan ag to lingwanan iray ginagawa yo, o say panangaron impanengneng yod sikato diad panamegley na tulong ya inter yo tan iiter yo nid saray kapara yon Cristiano.

Santiago 2:25

Ontan met ed kinen Rahab, sakey a biin marotak so impanbilay to. Maliket ton pinatuloy iray Israelitan nibaki, tan inturo to ni ingen ed sikara so sananey a dalan pian makabatik ira. Lapud saraman a ginagawa to, nipasen a matonung ed arap na Dios.

Josue 2:1

Insan si Josue angibakin nanlapud kampod Acacia na duaran ispia tan binilin to ra a maamut dan nengnengen so kipapasen na dalin na Canaan, nagkalalo lad siudad na Jerico. Nen akakar irad siudad, diad abung na sakey a marotak na bii a manngaray Rahab so amalabasan day labi.

Josue 2:22

Linman inmamut ed kapokdulan ira may ispia. Saramay totoo na ari et taloy agew da ran inanap ed kaliber-liber na bansa, balet ag da ra naalmo, kanyan amawil la rad Jerico.

Josue 7:1

Ag asumpal imay ganggan na Katawan ed saray Israelita ya ag iran balut mangala ed Jerico na antokaman a nepeg a deralen, ta angala si Acan. Lapud saya mapalaloy pasnuk na Katawan ed sikara. (Si Acan et anak nen Carmi tan apo nen Sabdi, tan kabyangan na boleg nen Zera a kabyangan na tribu nen Juda.)

1 Samuel 15:3

Laka, ta dogpaan mo ray Amalecita, tan deral mon sigput so antokaman a walad sikara. Ag kan balut mangikekera; patey mo ray amin a lalaki, bibii, ogogaw, tan amin a kapangyanak; saray baka, karniro, kamilyo, tan saray asno.”

1 Samuel 15:6

Pinasakbayan da ray Cineo, “Taynan kayo pian ag mi kayo napipatey, ta kinasian yo ray Israelita nen ontataynan irad Egipto.” Kanyan tinmaynan iray Cineo.