Josue 5:9 - Maung A Balita Biblia

⁹ Inkuan na Katawan ed kinen Josue, “Natad sayan agew inekal kod sikayo so kababaingan yo lapud impakaaripen yod Egipto.” Sikato yay makasengeg ya atawag iman a pasen na Gilgal, anggad natan.

Maung a Balita Biblia

⁹ Inkuan na Katawan ed kinen Josue, Natad sayan agew inekal kod sikayo so kababaingan yo lapud impakaaripen yod Egipto. Sikato yay makasengeg ya atawag iman a pasen na Gilgal, anggad natan.

Josue 5:9 Iomraidhean Croise

Genesis 34:14

Inkuandad kinen Sikem, “Ag mi iyabuloy a miasaway agi mi ed sakey a lakin ag asegat; makapabaing yad sikami.

2 Samuel 19:15

Nen ompapawil lay ari, inabet na saray totood Juda a linmad Gilgal a mangolup ed ibaliw to ed Ilog na Jordan.

Nehemias 12:29

tan diad Bet-gilgal, Geba, tan Azmavet.

Saray Salmo 119:39

Ipaliis mo ak pad saray panamabaing a tatakotan ko; makapakelaw a tuloy iray sintinsiam!

Jeremias 9:25

Say Katawan kuanto, “Onsabiy panaon a dusaen ko ray totood Egipto, Juda, Edom, Ammon, Moab, tan amin a manaayam ed kalawakan a pinoputotan da ray buek da. Asegat ira yan amin a totoo, balet ag da tinoor so siopaman ya ipapamorya na segat. Amin da ra yan totoo tan amin a totood Israel et ag da sinumpal so impisipanan kod sikara.”

Ezekiel 23:3

Nen malangwer ni ran manaayam ed Egipto, aderal so inkabirhin da tan nagmaliw iran marotak a bibii.

Ezekiel 23:8

Intuloy toy inggapo to lan marotak a panagbilay to ed Egipto a dimay inkaderalay inkabirhin to. Nanlapu lad impanmarikit to, akikiakdul ed sikato ray lalaki tan impasen dan sakey a marotak a bii.

Oseas 4:15

“Anggaman ya aliwa kayon matoor ed siak, sikayon totood Israel, ag komun mankasalanan iray taga Juda na singa onya. Ag ka mangigagalang ed Gilgal odino diad Bet-haven, odino mansipan kad man diad ngaran na mabilay a Katawan.

Levitico 24:14

“Ipaway yod kampo itan a too. Balang sakey a toon akadngel ed impanayew tod Katawan et itapew to ray lima to ed olo na satay too a pangipaneknek ton sikatoy nankasalanan, insan amin ya Israelita tupaken da ya anggad ompatey.

Amos 5:5

Ag kayo oonlan mangigalang ed Beer-seba. Ag yo ak aanapen ed Betel, ta anggapoy pansumpalan na Betel. Ag kayo oonlad Gilgal, ta pangaskasiyan a nibantak ed arum a bansa iray totoo to.”

Mikias 6:5

Totook, nunot yo may ginetman gawaen ed sikayo nen Ari Balak na Moab tan samay inebat ed sikato nen Balaam a lakin anak nen Beor. Nunot yo may agawad dalan a manlapud kampo ed Acacia ya anggad Gilgal. Nunot yo ra yan agawgawa, et nabirbir yon ginagawak ira diad impanyagel kod sikayo.”

Sofonias 2:8

Say Katawan a Makapanyarin-amin kuanto, “Nadngel kon saray totood Moab tan Ammon et babalawen tan leleglemewen da ray totook, tan matangtangsit iran mangibabaga a nalooban day dalin da.

Josue 24:14

“Natan sirin,” intuloy nen Josue ya inkuan, “pagalangan yo so Katawan tan masimoon tan matoor yon panlingkuran. Ibantak yo ray diriyos ya inggagalang nen saman na saray lalaki yo diad Mesopotamia tan diad Egipto. Say Katawan labat so panlingkuran yo.

Josue 4:19

Diad kumaplon agew na ononan bulan saray totoo binaliw day Jordan tan nankampo rad Gilgal a nibokig na Jerico.

Josue 5:8

Kayari na inkasegat da, nanayam ed kampo iray amin ya Israelita anggad inmabig so sugat da.

1 Samuel 14:6

Inkuanen Jonatan ed samay balolaki, “Onla tad kampo da ray paganon Filisteo. Tulongan ita angangko na Katawan; no tulongan to ta, anggapoy antokaman a makasbel ed sikato diad pangiter tod sikatay pananalo, anggaman a dagdaiset ita.”

1 Samuel 17:26

Tinepet nen David ed saray totoon asingger ed sikato, “Antoy nagamuran na toon makapatey ed sayan Filisteo tan makapangipaliis ed kababaingan na Israel? Ta siopa ta yan paganon Filisteo et sagyaten ton milaban iray sondalo na mabilay a Dios?”

1 Samuel 17:36

Akapatey ak la na saray lion tan saray uso, tan pateyen ko met iman a Filisteo a manasagyat a milaban iray sondalo na mabilay a Dios.

1 Samuel 7:16

Tinaon a liberen toy Betel, Gilgal, tan Mizpa, tan sinisintinsiaan to ray kolkolan na saray totood sarayan pasen.