Josue 4:12 - Maung A Balita Biblia

¹² Saramay lalakin kabyangan na saray tribu di Ruben, Gad, tan kapalduay Manases, ya akaparaan iran mibakal, et inmona ran binmaliw onung na imbaga nen Moises a gawaen da.

Maung a Balita Biblia

¹² Saramay lalakin kabyangan na saray tribu di Ruben, Gad, tan kapalduay Manases, ya akaparaan iran mibakal, et inmona ran binmaliw onung na imbaga nen Moises a gawaen da.

Josue 4:12 Iomraidhean Croise

Exodo 13:18

Kanyan impasaliberber to ra la laingen ya ombeltang ed kalawakan tan ombaliw ed Dayat ya Ambalanga. Nen tinaynan day Egipto iray Israelita akaarmas ira na para bakal.

Saray Bilang 32:17

Insan kami lad satan sipaparaan a milad saray kapara min Israelita a mibakal tan ipangulo miy ondogpa ya anggad napanayam mi la rad dalin a kayaryanen da. Legan a mibabakal kami, saray kaasawaan tan saray anak mi et makapanayam ira diad saray pinadir a baley ya ag ira sigensigenen na saray totood sayan dalin.

Deuteronomio 3:18

“Diad saman met a panaon inter kod sikara iray onggendan a bilin: ‘Say Katawan a Dios tayo et inter tod sikayo yan dalin ed bokig na Jordan ta panayaman yo. Natan sirin itdan yoy armas iray nayarin mibakal a totoo yo tan pabaliw yo rad Jordan; manayam irad onaan na saray arum a tribu na Israel, ta ibaan da ran manakup ed dalin da.

Deuteronomio 33:21

Inala ran para sikara so sankaabigan a parti na dalin; Nipabetang ed sikara so apag na pangulo. Inonur da ray ganggan tan saray bilin na Katawan Nen nantitipon iray pangulo na Israel.”

Josue 1:14

Natilak ira diay kaasawaan yo, saray anak yo, tan saray ayayep yo, balet saray sondalo et ombaliw iran akaarmas ya onaan da ray kapara ran Israelita pian natulongan da ra

Josue 4:11

Nen akabasil la ra, inmonad sikara iray paparin manasakbat na Kaban na Sipanan na Katawan.

Josue 4:13

Diad arap na Katawan sakey ya apataplon libon lalaki ya akaparaan a mibakal so binmaliw a linmad patar ya asingger ed Jerico.