Josue 3:6 - Maung A Balita Biblia

⁶ Insan to imbagad saray papari a sakbaten da may Kaban na Sipanan tan onona ran ombuat nen saray totoo. Ginawa ra so imbaga to.

Maung a Balita Biblia

⁶ Insan to imbagad saray papari a sakbaten da may Kaban na Sipanan tan onona ran ombuat nen saray totoo. Ginawa ra so imbaga to.

Josue 3:6 Iomraidhean Croise

1 Saray Arari 8:3

Nen akapantitipon lan amin iray pangulo, inalsa na saray papari so Kaban na Sipanan,

2 Saray Awaran 5:4

Nen akapantitipon lan amin iray pangulo, inalsa na saray Levita so Kaban na Sipanan

Mikias 2:13

Say Dios lokasan toy dalan para sikara tan iwanwan to ra manlapud inkibantakan da. Ompaway irad saray puirta na siudad tan nabolus la ra. Say Katawan a dili ya ari ra so mangiwanwan ed sikara.

Saray Bilang 10:33

Nen tinaynan na saray totoo so Sinai a mansanton palandey, nanakar iran taloy agew. Wala lawas ed onaan da imay Kaban na Sipanan na Katawan a mananap na pasen a pankampuan da.

Saray Bilang 14:15

Natan no pateyen mo ra yan amin a totoo, saray bansan akabalita na inkabantug mo et ibaga ra

Saray Hebreo 6:20

Inmona nen sikatayo a linmoob diman si Jesus a mangilaman ed sikatayo. Nagmaliw a pangulon pari ya anggad angga, onung na inkapari nen Melkisedek.

Josue 3:3

tan inkuandad saray totoo, “No kanengneng yod saray paparin sankaawit day Kaban na Sipanan na Katawan a Dios yo, taynan yoy kampo tan tombuk kayod sikara.

Josue 3:5

Inkuanen Josue ed saramay totoo, “Linisan yoy sikayon dili onung ed ganggan, tan nabwas say Katawan manggawad pegley yo na saray milagro.”

Josue 3:7

Say Katawan kuantod kinen Josue, “Lapud gawaen ko natad sayan agew, igapo na amin da ray Israelita so pamagalang dad sika a sakey a matalonggaring a too, tan nabirbir da a wala ak ed sika a singa inkiwalak ed kinen Moises.

Josue 6:6

Tinawag nen Josue iray papari tan inkuantod sikara, “Sakbat yoy Kaban na Sipanan, tan pitorad sikayo so manayam ed arap to a sankaawit da ray trumpita.”