Josue 3:5 - Maung A Balita Biblia

⁵ Inkuanen Josue ed saramay totoo, “Linisan yoy sikayon dili onung ed ganggan, tan nabwas say Katawan manggawad pegley yo na saray milagro.”

Maung a Balita Biblia

⁵ Inkuanen Josue ed saramay totoo, Linisan yoy sikayon dili onung ed ganggan, tan nabwas say Katawan manggawad pegley yo na saray milagro.

Josue 3:5 Iomraidhean Croise

Say Libro nen Job 1:5

Kapag nasumpal so ponsia, ombangon a masaksakbay ed ontombuk a kabwasan si Job tan mangisaklang na saray bagat a popoolan a panlinis ed saray anak to, onung ed ganggan. Lawas to yan gagawaen lapud iisipen to ya ompan sakey ed saray anak to so nankasalanan diad ag to ginagalan impansalita sumpad Dios.

Saray Salmo 77:15

Diad panamegley na pakayarim inlaban mo ray totoom, saray kabyangay boleg nen Jacob tan Jose.

Saray Salmo 86:10

Sikay makapanyari tan manggagawa ka ray pakelaw; bukor mo so Dios.

Joel 2:16

Pantitipon yo ray totoo; iparaan yo ran ondagup ed masanton miting; pankakasakey yo ray mamatakken; pantitipon yo ray ogogaw tan ontan met na saray mansususo. Anggan saray kapankasal nepeg a taynan day kaabungan da tan ondagup ira.

Levitico 10:3

Insan inkuanen Moises ed kinen Aaron, “Sikato yay sasalitaen na Katawan nen inkuanto, ‘Amin da ray manlingkur ed siak nepeg a pagalangan day inkasantok; ipatnag kod saray totook so kagalangan ko!’” Balet ag inmesel si Aaron.

Levitico 20:7

Nepeg a masanto kayo ta siak so Katawan a Dios yo.

Saray Bilang 11:8

Kaolup na linaew ya ompepelag ira ed kampo no labi. Diad ontombuk a kabwasan saray totoo et manliber iran mandokdok, gilingen da odino bayoen da ran pino-pino a singa arina, insan da ilambung tan gawaen dan maimpis iran tinapay. Say taway to et singa tinapay ya inlotod larak na oliba.)

Juan 17:19

Makasengeg ed sikara, imbagat koy bilay kod sika, pian matway pangibagat dad bilay da.

Josue 3:13

Kalasur dad danum ira may paparin mansakbat na Kaban na Sipanan na Katawan, ontondan onagos so Ilog na Jordan tan nagilon ed sakey a pasen so danum ya onaagos a palasur.”

Josue 3:4

Ag kayo ni dia akakar nen saman, kanyan ibasbas da kayo no iner so laen yo. Balet ag yo aasinggeran so Kaban na Sipanan; dia kayod beneg to tan arawian yo na walon lasus mitro.”

Josue 3:6

Insan to imbagad saray papari a sakbaten da may Kaban na Sipanan tan onona ran ombuat nen saray totoo. Ginawa ra so imbaga to.

Josue 7:13

Bangon ka! Linisan mo ray totoo onung ed ganggan tan iparaan mo ran miarapan ed siak. Ibagam ed sikaran sipaparaan ira nabwas, ta siak a Katawan a Dios na Israel et walay ibagak ed sikara: ‘Israel, isisinup yoy pigaran bengatla ya ingganggan kon deralen yo! Ag yo nalabanan iray kalaban yo ya anggad deralen yo ray bengatlan sebel ya alaen!’

1 Samuel 16:5

“On,” ebat to. “Linma ak dian mangibagat ed Katawan. Linisan yoy sikayon dili tan mila kayod siak.” Impanpalinis to ra di Jesse tan saray anak ton lalaki, tan inimbitaan to rad bagat.