Josue 3:3 - Maung A Balita Biblia

³ tan inkuandad saray totoo, “No kanengneng yod saray paparin sankaawit day Kaban na Sipanan na Katawan a Dios yo, taynan yoy kampo tan tombuk kayod sikara.

Maung a Balita Biblia

³ tan inkuandad saray totoo, No kanengneng yod saray paparin sankaawit day Kaban na Sipanan na Katawan a Dios yo, taynan yoy kampo tan tombuk kayod sikara.

Josue 3:3 Iomraidhean Croise

2 Samuel 6:13

Nen saray totoon angawit na Kaban na Sipanan et akakotdang iray anemira, pinatonda ra nen David, ta angibagat ed Katawan na sakey a bakan kalakyan tan sakey a pinataban kilaw a baka.

2 Samuel 6:3

Inala rad abung nen Abinadab a walad toktok na pokdul, insan da inlugan ed sakey a balon kariton. Di Uza tan Ahio a lalakin anak nen Abinadab so angiwanwan ed samay kariton.

1 Saray Arari 8:3

Nen akapantitipon lan amin iray pangulo, inalsa na saray papari so Kaban na Sipanan,

Jeremias 33:18

tan wala lawas iray paparin kabyangay tribu nen Levi a manlingkur ed siak tan mangisaklang na saray bagat a popoolan, saray bagat a trigo tan saray nandoroman bagat.”

Saray Bilang 10:33

Nen tinaynan na saray totoo so Sinai a mansanton palandey, nanakar iran taloy agew. Wala lawas ed onaan da imay Kaban na Sipanan na Katawan a mananap na pasen a pankampuan da.

Saray Bilang 4:15

No asumpal lan sinakbungan di Aaron tan saray anak to iray masanton bengatla tan saray kagawaan da, ondago ray kabyangan na boleg nen Coat ta sikaray manawit na sarayan masanton bengatla no iyalis la so kampo. Saray kabyangay boleg nen Coat et ag da nepeg a diwiten iray masanton bengatla, ta no diwiten da ompatey ira. Sikara yay nepeg a gawaen na saray kabyangay boleg nen Coat kapag iyalis so Tulda.

Mateo 16:24

Inkuanen Jesus ed saray disipulo to, “Siopamay malabay ya ontombuk ed siak, nakaukolan a lingwanan toy sikaton dili, sakbaten toy krus to, insan ontombuk ed siak.

Mateo 8:19

Walay sakey ya iskriban inmasingger ed sikato. “Maistro,” kuanto, “sipaparaan ak a milad anggan iner a laen mo.”

Deuteronomio 31:25

Kayari ton insulat, inkuantod saray Levitan papari a makaoley ed Kaban na Sipanan na Katawan,

Deuteronomio 31:9

Kanyan insulat nen Moises so Ganggan na Dios tan inter tod saray Levitan papari, a makaoley ed Kaban na Sipanan na Katawan, tan diad saray pangulo na Israel.

Josue 3:4

Ag kayo ni dia akakar nen saman, kanyan ibasbas da kayo no iner so laen yo. Balet ag yo aasinggeran so Kaban na Sipanan; dia kayod beneg to tan arawian yo na walon lasus mitro.”

Josue 3:6

Insan to imbagad saray papari a sakbaten da may Kaban na Sipanan tan onona ran ombuat nen saray totoo. Ginawa ra so imbaga to.

Josue 3:8

Ibagam ed saray paparin manasakbat ed Kaban na Sipanan a no nasabi ray ilog, onlasur irad danum tan manalagey irad man ed gilig.”

Josue 4:10

Nanalagey ed pegley na Jordan ira may papari anggad asumpal ya amin iray ingganggan na Katawan ya ibaga nen Josue a gawaen na saray totoo. Sikato yay ingganggan nen Moises. Nangganat a binmaliw ira may totoo.

Josue 6:6

Tinawag nen Josue iray papari tan inkuantod sikara, “Sakbat yoy Kaban na Sipanan, tan pitorad sikayo so manayam ed arap to a sankaawit da ray trumpita.”

Puyan 14:4

Sikaray lalakin malinis, ta ag iran balut akiakdul ed saray bibii; ag met ira angasawa. Ontotombuk irad samay Kordiro ed inerman a laen to. Diad amin a katoowan ed intiron mundo, sikaray arondon; sikaray onaan a nisaklang ed Dios tan say Kordiro.

1 Samuel 6:15

Inalsa na saray Levita so Kaban na Sipanan na Katawan tan samay kahon a kawalaan da ray balituk, tan inyan da rad mad tapew na baleg a bato. Diad saman ya agew saray taga Bet-semes et angisaklang ira na saray bagat a popoolan tan saray arum a bagat ed Katawan.