Josue 3:16 - Maung A Balita Biblia

¹⁶ tinmondan onagos so danum na ilog tan agilon ed bandad tagey so danum, diad Adan, say siudad a kaabay na Zaretan. Say agos a mampalasur ed Inatey a Dayat et sigput a tinmonda kanyan saramay totoo et akabaliw irad abay na Jerico.

Maung a Balita Biblia

¹⁶ tinmondan onagos so danum na ilog tan agilon ed bandad tagey so danum, diad Adan, say siudad a kaabay na Zaretan. Say agos a mampalasur ed Inatey a Dayat et sigput a tinmonda kanyan saramay totoo et akabaliw irad abay na Jerico.

Josue 3:16 Iomraidhean Croise

Genesis 14:3

Sarayan limaran ari nankakasakey ira tan impanoolup da ray sondalo ra ed Patar na Sidim ya Inatey a Dayat natan.

1 Saray Arari 4:12

Baana a lakin anak nen Ahilud: saray siudad na Taanac, Megido, tan amin a dalin ya asingger ed Bet-sean, say asingger ed baley na Zaretan, say sagur na baley na Jesreel, tan anggad siudad na Abel-menhola tan say siudad na Jocneam

1 Saray Arari 7:46

Say ari impagawa to ra yan amin diad pandayan a walad nanleetan na Socot tan Zaretan, diad patar na Jordan.

Saray Salmo 114:3

Ninmengneng so Dayat ya Ambalanga, et binmatik; tinmondan onagos so Ilog na Jordan.

Saray Salmo 114:5

O Dayat, antoy agawa, et binmatik ka? Tan sika, Jordan, akin et tinmonda kan onagos?

Saray Salmo 29:10

Ooleyan na Katawan iray danudanum; manari ya anggad angga.

Saray Salmo 33:7

Impantitipon ton amin iray dayat ed saksakey a pasen; inyatul to ray kaaralman na dayat ed saray kuarton panagsinupan.

Saray Salmo 66:6

Impagmaliw ton amagan dalin so dayat; binaliw dan inakar so ilog iray lalaki tayo. Nanliket itayod man, lapud ginawa to.

Saray Salmo 74:15

Pinapaagos mo ray sobul tan saray kolus; pinapaekat mo ray ankakabaleg ya ilog.

Saray Salmo 77:19

Nanakar kad saray daluyon; binaliw moy aralem a dayat, balet ag nanengneng iray bakat na salim.

Saray Salmo 78:13

Binelsay toy dayat tan pinadalan to ra; pinaalagey ton singa padir so danum.

Exodo 14:21

Inyonat nen Moises ed dayat so lima to, et say Katawan pinapawil toy agos na dayat diad panamegley na mabiskeg a dagem a nanlapud bokig. Sanlabin sinmiplug so dagem, et nakatan so dayat. Apaldua so danum

Exodo 14:22

tan nanakar ed amagan dalin iray Israelita diad imbaliw dad dayat; dinmalan irad nampegleyan na duaran padir a danum.

Exodo 14:29

Balet nanakar iray Israelita ed amagan dalin diad imbaliw dad dayat; dinmalan irad nanleetan na duaran padir a danum.

Exodo 15:8

Sinibukan mo so dayat, et nilusbo so danum; inmalagey a singa padir; inmawet so kaaraldaleman a dayat.

Isaias 50:2

“Akin et ag inmebat iray totook nen linma ak a mangilaban ed sikara? Akin et ag ira inmebat nen tinmawag ak? Makapoy ak ta a mangilaban ed sikara? Diad sakey a ganggan ko napaekat koy dayat tan magmaliw a kalawakan iray ilog, et ompatey iray sirad man lapud kakulangay danum.

Ezekiel 47:8

Inkuantod siak, “Sayan danum onaagos ed bandad bokig ya anggad Patar na Jordan tan diad Inatey a Dayat. No kaagos tod Inatey a Dayat, salatan tod man so danum a maasin na matabang a danum.

Nahum 1:4

Igaganggan toy dayat et oneekat! Paeekaten to ray ilog! Namamagaan iray kaalogan na Basan, namamagaan so Palandey na Carmelo, tan nalalaylay iray rosas na Libano.

Habacuc 3:8

Saray ilog so amapasnuk ed sika, Katawan? Say dayat so amapetang na olom? Linmogan kad tapew na kaloreman; karwahim so lorem ya ipapalir na bagyo, nen inyakar moy pananalo ed saray totoom.

Saray Bilang 34:3

Say ketegan ed abalaten et manlapud Kalawakan na Zin a katontonen toy ketegan na Edom. Onggapo ed bokig diad niabalaten a samput na Dayat ya Inatey.

Deuteronomio 1:1

Wadyad sayan libro iray sinalita nen Moises ed saray totood Israel nen wala rad kalawakan a nibokig na Ilog na Jordan. Diad saman a panaon wala rad Patar na Jordan ya asingger ed Suf, diad nanleetan na baley na Paran ed sakey a dapag tan saray baley na Tofel, Laban, Hazerot, tan Dizahab diad sananey a dapag. (

Deuteronomio 3:17

Diad sagur nasabi na ketegan da so Ilog na Jordan, manlapud Dayat na Galilea diad baybay ya anggad Dayat ya Inatey diad abalaten tan diad Palandey na Pisga diad bokig.

Josue 12:3

sakop to met ni so Patar na Jordan manlapud Dayat na Galilea diad sagur ya anggad Bet-jesimot (a bokig na Inatey a Dayat) tan nasabi toy alusadsar na Palandey na Pisga.

Josue 15:2

Sayan ketegan ed bandad abalaten et onggapod samput na Inatey a Dayat,

Josue 16:7

Manlapud Janoa mampaleksab ed Atarot tan Naara, sabien toy Jerico tan mansamput ed Jordan.

Josue 3:13

Kalasur dad danum ira may paparin mansakbat na Kaban na Sipanan na Katawan, ontondan onagos so Ilog na Jordan tan nagilon ed sakey a pasen so danum ya onaagos a palasur.”

Josue 4:22

ibaga yod sikara so nipaakar ed imbaliw na saray Israelita ed Jordan diad amagan dalin.

Josue 5:1

Amin da ray ari na Amorreo diad bokig na Jordan tan amin da ray ari a Cananeo diad gilig na Dayat na Mediteraneo nadngelan dan pinaekat na Katawan so Jordan anggad impakabaliw na saray totood Israel. Ataktakot ira tan nakalan iray biskeg na linawa lapud saray Israelita.

Saray Huis 7:22

Legan a papaknulen na saray totoo nen Gedeon so trumpita ra, impanlalaban na Katawan ira may sondalo na kalaban; nandodoyukan iray ispada. Binmatik iran amaarap ed Cerera ya anggad Bet-sita, anggad baley na Abel-mehola ya asingger ed Tabata.