Josue 3:1 - Maung A Balita Biblia

¹ Diad kaimbwas si Josue tan amin ya Israelita asaksakbay iran binmangon, tinaynan da may kampod Acacia, tan linma rad Jordan, a dimay nankampoan da legan na impanalagar dad ibaliw da.

Maung a Balita Biblia

¹ Diad kaimbwas si Josue tan amin ya Israelita asaksakbay iran binmangon, tinaynan da may kampod Acacia, ta linma rad Jordan, a dimay nankampoan da legan na impanalagar dad ibaliw da.

Josue 3:1 Iomraidhean Croise

Genesis 21:14

Diad kabkabwasan ed ontombuk ya agew, initdan nen Abraham si Agar na kakanen tan supot a katat a napnoy danum. Inlira to ra ya tan samay ogaw ed beneg nen Agar, insan to la ra pinasiput. Tinmaynan si Agar, insan nanakar-akar ed kalawakan na Beer-seba.

Genesis 22:3

Diad kabkabwasan na ontombuk ya agew, nambelang si Abraham na kiew a para bagat, intapew tod asno to, tan intagar toy Isaac tan saray duaran aripen to. Ginapwan day amaarap ed samay pasen ya imbagay Katawan.

Saray Salmo 119:60

Ag ak manaabala no ag ta gaganatan ko ya onuren iray ganggan mo.

Jeremias 25:3

“Diad loob na duamplo tan taloy taon, nanlapu lad kumalabintalon taon na panaarid Juda nen Josias a lakin anak nen Amon ya anggad natan, nansasalitad siak so Katawan tan intutuloy kon imbagad sikayo so sinalita to. Balet ag yo inasasikaso.

Jeremias 26:5

Nepeg yon dengelen iray salita na saray aripen kon propita ya imbabakik ed sikayo. Ag yo nin balut inonur iray imbabaga rad sikayo.

Jeremias 7:13

Ginagawa yo ra yay kasalanan a binitlak. Anggaman ya akisalita ak ed sikayon amimpiga-piga, ag kayo dinmengel. Ag kayo inmebat nen tinawag ta kayo.

Mikias 6:5

Totook, nunot yo may ginetman gawaen ed sikayo nen Ari Balak na Moab tan samay inebat ed sikato nen Balaam a lakin anak nen Beor. Nunot yo may agawad dalan a manlapud kampo ed Acacia ya anggad Gilgal. Nunot yo ra yan agawgawa, et nabirbir yon ginagawak ira diad impanyagel kod sikayo.”

Saray Bilang 25:1

Nen nankampod Patar na Acasia iray Israelita, saray lalaki ginapwan day akiakdul ed saray bibiin Moabita a wadman.

Marcos 1:35

Diad ontombuk ya agew, ambilonget ni nen binmangon si Jesus. Linmad sakey a mareen a pasen tan nampikasid man.

Josue 2:1

Insan si Josue angibakin nanlapud kampod Acacia na duaran ispia tan binilin to ra a maamut dan nengnengen so kipapasen na dalin na Canaan, nagkalalo lad siudad na Jerico. Nen akakar irad siudad, diad abung na sakey a marotak na bii a manngaray Rahab so amalabasan day labi.

Josue 6:12

Diad ontombuk ya agew asaksakbay a binmangon si Josue. Singa samay imbeneg ya agew niliber day siudad ira may papari tan saray sondalo, a namparay impantotombukan da: onona, saray guardiad bandad onaan; ontombuk, saray pitoran papari a mamapaknul na saray trumpita; insan saray paparin manasakbat na Kaban na Sipanan na Katawan; tan diad kaonuran, saray guardiad bandad beneg. Legan dan liliberen so siudad napapaknul iray trumpita.

Josue 6:15

Diad kumapiton agew binmangon irad palbangon tan niliber dan amimpito imay siudad, singa samay impanliber dan inmona—sikato ya labat so agew ya amimpito ran niliber so siudad.

Josue 7:16

Diad kabkabwasan na ontombuk ya agew si Josue pinarago tan nansosoblay iray tribu na Israel, et say tribu nen Juda so apili.

Josue 8:10

Angabkabwasan a binmangon si Josue tan impantitipon to ray sondalo. Insan sikato tan saray pangulo na Israel inwanwan da ran linma ed Ai.

Saray Huis 20:19

Kanyan diad ontombuk a kabwasan ginapwan na saray Israelita so nankampo ed pasen ya asingger ed Gabaa.

1 Samuel 17:20

Diad kaimbuas, asaksakbay a binmangon si David, impaasikaso tod sananey a too iray karniro, inala to may kakanen, tan linma la, onung na imbaga nen Jesse ed sikato. Nen sinmabid kampo, duga-rugan mandarasig lan mibakal iray Israelita tan maneeyag-eyag ira.