Josue 24:32 - Maung A Balita Biblia

³² Saray pokel nen Jose ya inalad Egipto na saray totood Israel et nipompon ed Sikem, sakey a parti na dalin a sinaliw nen Jacob ed saray lalakin anak nen Hamor ya ama nen Sikem; sinaliw to na sanlasus a kuartan pilak. Sayan dalin et tinawir na saray kabyangay boleg nen Jose.

Maung a Balita Biblia

³² Saray pokel nen Jose ya inalad Egipto na saray totood Israel et nipompon ed Sikem, sakey a parti na dalin a sinaliw nen Jacob ed saray lalakin anak nen Hamor ya ama nen Sikem; sinaliw to na sanlasus a kuartan pilak. Sayan dalin et tinawir na saray kabyangay boleg nen Jose.

Josue 24:32 Iomraidhean Croise

Genesis 33:19

Sinaliw to man a parti na alog ed saray kabyangay boleg nen Hamor ya ama nen Sikem; sanlasus a kuartan pilak so imbayar to.

Genesis 48:22

Diad sika, aliwan saray lalakin agagim, so pangitdan ko na Sikem, say mataban dalin a sinamsam kod saray Amorreo diad panamegley na ispadak tan panak.”

Genesis 50:24

Inkuantod saray lalakin agagi to, “Ngalngali ak la ompatey, balet andi-saew ya asikasoen kayo na Dios, tan ipaway to kayod sayan dalin tan iyakar to kayod dalin a sinambaan ton iter ed kindi Abraham, Isaac, tan Jacob.”

Genesis 50:25

Insan kinerew tod saray totoo to a sambaan dan gawaen yan bilin to. Inkuanto, “Isipan yod siak a no say Dios et iyakar to kayod saman a dalin, piawit yo ray pokel ko.”

Exodo 13:19

Inawit nen Moises iray pokel nen Jose, onung na impamasamba nen Jose a gawaen na saray Israelita. Inkuanen Jose, “No agwaten kayo na Dios ed kairapan, nepeg yon awiten manlapud sayan pasen iray pokel ko.”

Juan 4:5

Akasabid baley na Sicar ed Samaria ya asingger ed alog ya inter nen Jacob ed anak ton si Jose.

Saray Gawgawa 7:15

Linma sirin si Jacob ed Egipto, tan diman la inatey; ontan met a diman inaatey iray atateng tayo.

Saray Gawgawa 7:16

Saray bangkay da inyakar da rad Sikem tan insorub da rad lobuk a sinaliw nen Abraham ed saray anak nen Hamor.

Saray Hebreo 11:22

Lapud pananisia, sinalita nen Jose, nen ompapatey la, a saray Israelita taynanan day Egipto, tan binilin to ra no antoy gawaen ed saray pokel to.