Josue 24:31 - Maung A Balita Biblia

³¹ Legan a mabilay si Josue, nanlilingkur ed Katawan iray totood Israel, tan intuloy da yan ginawa kayariy impatey to legan a mabilay iray pangulon akanengneng na amin da ray ginagawa na Katawan ed Israel.

Maung a Balita Biblia

³¹ Legan a mabilay si Josue, nanlilingkur ed Katawan iray totood Israel, tan intuloy da yan ginawa kayariy impatey to legan a mabilay iray pangulon akanengneng na amin da ray ginagawa na Katawan ed Israel.

Josue 24:31 Iomraidhean Croise

Genesis 14:10

Dakel diman iray maawang a bobun na alkitran, et nen ibabatikan day bakal ira may ari na Sodoma tan Gomorra naplag irad saraman a bobun, balet akabatik ed kapalandeyan ira may taloran ari.

2 Saray Awaran 24:2

Legay impanbilay nen Joiada a pari, ginagawa nen Joas iray makapaliket ed Katawan.

2 Saray Awaran 34:33

Dinederal nen Ari Josias iray amin a makapaingungot a talintaon walad dalin a kayaryan na saray totood Israel. Legan na impanbilay to, pinatoluk to ray totoo a manlingkur ed Katawan a Dios na saray lalaki ra.

Saray Gawgawa 20:29

Amtak a no kasiput ko, ondago rad sikayoy masesebeg ya asod katakelan tan anggapoy panangasiy panderal dad saray karniro.

Deuteronomio 11:2

Nunot yo natan iray naaralan yo a nipaakar ed Katawan diad panamegley na saray ginagawa to. Aliwan saray anak yo, no ag ingen sikayo, so akanengneng. Anengneng yo so inkatalonggaring na Katawan, say pakayari to, say biskeg to,

Deuteronomio 11:7

On, sikayo ray akanengneng ed sarayan amin a bengatlan makapakelaw a ginagawa na Katawan.

Deuteronomio 31:13

Diad onya narengel na saray kabyangay boleg yon ag da nin balut arengel so Ganggan na Katawan a Dios yo. Naaralan dad satan so ontoluk ed sikato legan dan manayam ed dalin a ngalngali yo la panayaman diad nibaliw na Jordan.”

Deuteronomio 31:29

Amtak a kayariy ipatey ko saray totoo et magmaliw iran maoges tan ipolisay day imbabangat kod sikara. Et diad onsabin panaon nadalan ira na deral, lapud pampasnuken day Katawan diad panggawa ray isesebel to.”

FILIPOS 2:12

Kanyan, inararon agagi, bangta maonur kayo lawas nen kaiba yo ak, nepeg a lalon maonur kayo natan ya andid tan ak ed sikayo. Mankimey kayon katekep na takot tan giwgiw anggad nagnagnap lay kilalaban yo,

Saray Huis 2:10

Inaatey ya amin iray kabyangan na saman a kailalakan; alingwanan na saray kabyangan na sinmalat a kailalakan so Katawan tan saray ginagawa tod Israel.

Saray Huis 2:6

Insan imbaki la nen Josue iray totoo, tan linman mangayaryan ed betang ton dalin so balang sakey.

Saray Huis 2:7

Legan a mabilay si Josue, nanlingkur ed Katawan iray totoo tan anggan kayariy impatey to, intuloy day nanlingkur legan a mabilay ni ray pangulon akanengneng na amin da ray makapakelaw a ginagawa na Katawan ed Israel.