Josue 24:27 - Maung A Balita Biblia

²⁷ Inkuantod saray amin a totoo, “Sayan bato et tasi tayo. Nadngel to ray amin a sinalita na Katawan ed sikatayo. Kanyan sayan bato et tasi a sumpad sikayo, pian ag kayo onsumlang ed Dios.”

Maung a Balita Biblia

²⁷ Inkuantod saray amin a totoo, Sayan bato et tasi tayo. Nadngel to ray amin a sinalita na Katawan ed sikatayo. Kanyan sayan bato et tasi a sumpad sikayo, pian ag kayo onsumlang ed Dios.

Josue 24:27 Iomraidhean Croise

Say Libro nen Job 31:23

Antakot koy pananusa na Dios, kanyan ag ko nayarian a gawaen yan kaogsan.

Say Libro nen Job 31:28

Say nepeg a dusa na sayan kasalanan et patey; paandien ton wala so Makapanyarin-amin a Dios.

Probirbio 30:9

Ta no daakan so kakanen ko, ompan ibagak ya ag ta ka nakaukolan. Balet no mairap so bilay ko, ompan mantakew ak, et nipelag kod kababaingan so Dios ko.

Isaias 1:2

Inkuan na Katawan, “Sikayon tawen tan mundo, dengel yoy ibagak! Linmaban ed siak iray pinabaleg kon anak.

Isaias 59:13

Sinmumpa kamid sika, impolisay mi ka, tan ag mi ka inonur. Pinapairap mi ray arum tan inmarawi kamid sika. Pikewet iray kanunotan mi; tila ray salita mi.

Habacuc 2:11

Anggan saray bato ed padir et oneyag ira sumpad sikayo, tan ompoktal ed saray pagsen so eyag da.

Saray Bilang 11:20

no ag ingen diad loob na intiron sakey bulan. Mangan kayo na sawasawaan ya anggad natama kayo. Onyay nagawa lapud impolisay yo so Katawan a kaibiba yo tan nanriklamo kayod sikato a lablabay yo lan ag kayo komun tinmaynan a manlapud Egipto.’”

Mateo 10:33

Balet siopamay mangiborid siak ed arap na totoo, iborik met ed arap na Amak ed tawen.”

Lucas 19:40

Inmebat si Jesus, “Kuankod sikayo a no ontonda ra, saray bato so oneyag.”

Deuteronomio 30:19

Iiter kod sikayo natan so pankanawnawa yon mampili ed bilay tan patey, bindisionan na Dios tan say samba na Dios, tan tatawagen koy tawen tan dalin a mantasi no antoy pilien yo. Pili yo so bilay.

Deuteronomio 31:19

“Natan isulat mo yan kanta. Ibangat mod saray totood Israel, pian magmaliw a sakey a tasi a sumpad sikara.

Deuteronomio 31:21

et amayamay a makapataktakot a deral so ondalan ed sikara. Balet nakanta yan kanta, tan magmaliw a sakey a tasi a sumpad sikara. Anggan natan, kasakbayan ko ran iyakar ed dalin ya insipan kod sikara, amtak la so nununoten da.”

Deuteronomio 31:26

“Ala yo yan libro na Ganggan na Dios tan iyan yod abay na Kaban na Sipanan na Katawan a Dios yo, pian mansiansiad man a sakey a tasin sumpad saray totoo to.

Deuteronomio 32:1

“Tawen tan dalin, dengel yo ray salitak, dengedengel yoy ibagak.

Deuteronomio 4:26

Nitan so tawen tan say dalin a sikara natan so mantasi sumpad sikayo a no ag yo ak onuren, ag mabayag naandipat kayod dalin. Ag kayo mambayag a manayam ed dalin ed nibaliw na Jordan a ngalngali yo la napanayaman. Sigput kayon napatey.

Tito 1:16

Ibabaga ran kabat day Dios, balet ibobori ra diad saray gawa ra. Makapaingungot tan benger ira, tan ag da kanepegay manggaway maabig iran bengatla.

Josue 22:34

Inkuan na saray totoo na Ruben tan Gad, “Sayan altar et sakey a tasi ed sikatayo a say Katawan et Dios.” Kanyan inngaran da may altar na “Tasi.”

Josue 24:28

Insan imbaki la nen Josue iray totoo, et pinmawil lad dilin betang ton dalin so balang sakey a too.

Puyan 3:8

Amtak so gagawaen mo; amtak a melag so pakayarim, balet inonur moy bangat ko tan matoor kad siak. Kanyan nilokasan koy puirta ed arap mo, tan anggapoy makapangikaput.

1 Samuel 7:12

Insan angalay Samuel na sakey a bato, tan inyan tod ketegan na Mizpa tan Sen, tan inngaran to na Ebenezer, ta inkuanto, “Tinulongan itayo na Katawan.”