Josue 24:15 - Maung A Balita Biblia

¹⁵ No ag yo labay a panlingkuran so Katawan, mampili kayo natan no siopay panlingkuran yo, saray diriyos ya inggagalang na saray lalaki yo ed Mesopotamia odino saray diriyos da ray Amorreo a panaayaman yo natan so dalin da. Para say siak tan say pamilyak, panlingkuran mi so Katawan.”

Maung a Balita Biblia

¹⁵ No ag yo labay a panlingkuran so Katawan, mampili kayo natan no siopay panlingkuran yo, saray diriyos ya inggagalang na saray lalaki yo ed Mesopotamia odino saray diriyos da ray Amorreo a panaayaman yo natan so dalin da. Para say siak tan say pamilyak, panlingkuran mi so Katawan.

Josue 24:15 Iomraidhean Croise

Genesis 18:19

Sikatoy pinilik, pian niganggan to ray anak to tan saray kabyangay boleg to ya ontoluk irad siak diad panggawa ray kaptekan tan katonungan. No gawaen da ya, sumpalen koy amin ya insipan kod sikato.”

Genesis 35:2

Kanyan inkuanen Jacob ed pamilya to tan amin a kaiba to, “Ibantak yo ray diriyos na arum a bansa ya awit yo; linisan yoy sikayon dili, insan kayo mampales na malinis.

1 Saray Arari 18:21

Linmay Elias ed saray totoo tan kuanto, “Kapigay pangipasakey yod kanunotan yo? No Dios so Katawan, sikatoy igalang yo; no Dios si Baal, sikatoy igalang yo!” Balet ag inmesel iray totoo.

1 Saray Awaran 1:14

Si Canaan so sengeg na saray Jebuseo, Amorreo, Gergeseo,

Saray Salmo 101:2

Mambilay ak ya anggapoy kaogsan ko. Kapigan so idagom ed siak? Mambilay ak ya anggapoy pakabalawan diad abung ko

Saray Salmo 119:106

Tooren ko so sinambaan ko, ya onuren ko ray maptek a bilibilin mo.

Exodo 23:2

Ag kayo mibibiang ed saray karaklan no maoges so gagawaen da, o no mantasi ra na tila diad pamikewret dad katonungan.

Exodo 23:24

Ag kayo ondadakmomo odino mangigagalang ed saray diriyos da, tan ag yo aaligen iray kagagawa rad panangigalang da. Deral yo ray diriyos da tan igeba yo ray masanton lusek da a bato.

Exodo 34:15

Ag kayo misisipanan ed saray totood bansan laen yo, ta no mangigalang irad diriyos da tan mangibagat irad sikara, bagaan da kayon mibiang ed sikara, et natukso kayod satan a mangan na kakanen ya ibabagat da ed saray diriyos da.

Ezekiel 20:39

Say Katawan a Dios kuanto, “Sikayo ran amin ya Israelita, no ag yo ak dengelen, ituloy yo labat lad tay panlilingkur yod saray talintaoy diriyos yo! Balet papasakbayan ta kayo a kayari to ya, nepeg yo ak ya onuren tan ag yo la pabaingan so masanton ngaran ko diad pambabagat yo na saray rigalo ed saray talintaoy diriyos yo.

Daniel 3:18

Balet anggan ag to kami iyagel, andi-duaruwa, Kagalang ya Ari, ya ag kami mangigalang ed dios mo, tan ag kami ondakmomo ed samay balituk a talintaon impaalagey mo.”

Levitico 14:42

Insan saray arum a bato la so isalat ed saramay baton nakal, tan palitadaan la na balo so dalem na abung.

Mikias 4:5

Mangigagalang tan manlilingkur ed dilin dios to so balang bansa, balet mangigalang tan manlingkur itayod Katawan a Dios tayo diad ando lan ando.

Saray Gawgawa 11:23

Nen sinmabid man tan anengneng toy pamibindision na Dios ed sikara makaliliket, tan binilin to ran amin a mansiansia ran matoor tan matwa ed Katawan diad intiron puso ra.

Deuteronomio 13:7

Nayarin say sakey ed sikara et tanggoyuren to kayon mangigalang ed saray diriyos da ray totoon manaayam ed abay yo, odino saray diriyos da ray totoon manaayam ed arawid sikayo.

Deuteronomio 29:18

Manalwar kayo ya anggapoy sakey a laki, bii, pamilya, odino tribu a manalalagey natad sayan agew a mangikaindan ed Katawan a Dios tayo pian mangigalang ed saray diriyos na arum a bansa. Singa ya sakey a lamut a magmaliw ya ampait tan samal a tanaman.

Josue 24:16

Inmebat iray totoo, “Ag min balut taynan so Katawan pian makapanlingkur kamid arum a diriyos!

Saray Huis 6:10

Imbagak ed sikayo a siak so Katawan a Dios yo tan ag kayo nepeg a mangigalang ed saray diriyos da ray Amorreo a say dalin da so panaayaman yo natan. Balet ag yo inngalngalep iray salitak ed sikayo.”