Josue 24:10 - Maung A Balita Biblia

¹⁰ Balet ag ko dinengel si Balaam, kanyan binindisionan to kayo, tan diad onya inyagel ta kayod kinen Balak.

Maung a Balita Biblia

¹⁰ Balet ag ko dinengel si Balaam, kanyan binindisionan to kayo, tan diad onya inyagel ta kayod kinen Balak.

Josue 24:10 Iomraidhean Croise

Isaias 54:17

Balet anggapoy armas a makapasakit ed sika; walay niebat mo ed amin a mangakusa ed sika. Iyagel ko ray aripen ko tan panaloen ko ra.” Say Katawan so nansalita.

Mikias 6:5

Totook, nunot yo may ginetman gawaen ed sikayo nen Ari Balak na Moab tan samay inebat ed sikato nen Balaam a lakin anak nen Beor. Nunot yo may agawad dalan a manlapud kampo ed Acacia ya anggad Gilgal. Nunot yo ra yan agawgawa, et nabirbir yon ginagawak ira diad impanyagel kod sikayo.”

Saray Bilang 22:35

Balet inkuan na samay anghil, “Mila kad sarayan totoo, balet salitam labat so paibagak ed sika.” Kanyan intuloy nen Balaam so akilad sikara.

Deuteronomio 23:5

Balet say Katawan a Dios yo et ag to dinengel si Balaam; impagmaliw to ni ingen a bindision imay samba, lapud inaro to kayo.

Josue 24:11

Binaliw yoy Jordan tan linma kayod Jerico. Nilabanan kayo na saray lalakid Jerico a singa ginawa na saray Amorreo, Perezeo, Cananeo, Heteo, Gergaseo, Heveo, tan saray Jebuseo. Balet impanalo ta kayod sikaran amin.