Josue 23:15 - Maung A Balita Biblia

¹⁵ Balet no panoy impanumpal tod amin ya insipan tod sikayo, ontan met so gawaen tod amin ya impasakbay tod sikayo.

Maung a Balita Biblia

¹⁵ Balet no panoy impanumpal tod amin ya insipan tod sikayo, ontan met so gawaen tod amin ya impasakbay tod sikayo.

Josue 23:15 Iomraidhean Croise

1 Saray Arari 14:15

Dusaen na Katawan so Israel, tan magmaliw a singa kiew a payar ya iwal-iwalen na mabiskeg ya agos na danum. Pataynanen to ray totood Israel ed sayan maung a dalin ya inter tod saray lalaki ra, insan to ra ikaykayat ed nibaliw na Ilog na Eufrates, ta apampasnuk da lapud impanggawa ra na saray talintao nen diosan Asera.

1 Saray Arari 8:56

“Nadayew komun so Katawan ya angiter na kareenan ed saray totoo to, onung na insipan to. Sinumpal ton amin iray maabig ya insipan to diad panamegley na aripen ton si Moises.

Isaias 24:6

Lapud saya, insamba na Dios so dalin. Babayaran na saray totoo so ginagawa ra. Mandaiset lan mandaiset so nakekeraan a mabilay.

Jeremias 32:24

“Saray taga Babilonia nanggagawa rad kaliber-liber na siudad na saray bunton a looban dan manakep, tan ondodogpa ra. Lapud bakal, eras, tan salot napelag ed lima ra so siudad. Katawan, nanengneng mo a tinmuan amin iray imbagam.

Jeremias 32:42

“Onung na impangyakar koy deral ed sarayan totoo, ontan met iter kod sikaray amin a maung a bengatla ya insipan kod sikara.

Jeremias 35:17

Kanyan, siak, say Katawan a Makapanyarin-amin a Dios na Israel, iyakar kon amin iray insipan kon deral ed sikayo ran totood Juda tan Jerusalem. Gawaen ko ya, ta ag kayo dinmengel nen akisalita ak ed sikayo, tan ag yo ak inebatan nen tinawag ta kayo.”

Levitico 26:3

“No mambilay kayo onung ed saray ganggan ko tan onuren yo ray bilin ko,

1 TESALONICA 2:16

Labay da ni ingen a patondaen kami ed pangipupulong mid saray Hintil na Maung a Balitan kilabanan da. Napno da lay bayung na kasalanan, kanyan sinmabin siansiay pasnuk na Dios ed sikara!

Saray Huis 13:1

Nankasalanan lamet ed Katawan iray Israelita, kanyan inyabuloy ton apataploy taon ya inoleyan na saray Filisteo iray Israelita.

Saray Huis 3:12

Nankasalanan lamet ed Katawan iray Israelita. Lapud sayan ginawa ra, say Katawan impagmaliw ton mabiskeg niy Ari Eglon na Moab nen say Israel.

Saray Huis 3:8

Kanyan akapasnuk so Katawan ed Israel, et inabuloyan toy Ari Cusan-risataim na Mesopotamia a nadakep to ra. Waloy taon a nagmaliw iran walad silong na pakaoley to.

Saray Huis 6:1

Nankasalanan lamet ed Katawan iray Israelita, kanyan inabuloyan ton naoleyan iran pitoy taon na saray totoon taga Madian.