Josue 23:14 - Maung A Balita Biblia

¹⁴ “Magano ak lan ontaynan ed sayan mundo. Amta na balang sakey ed sikayo diad puso tan kamarerwa to a say Katawan a Dios yo et inter tod sikayoy amin iran maabig a bengatla ya insipan to. Asumpal ya amin iray insipan to; anggapoy ag agawa.

Maung a Balita Biblia

¹⁴ Magano ak lan ontaynan ed sayan mundo. Amta na balang sakey ed sikayo diad puso tan kamarerwa to a say Katawan a Dios yo et inter tod sikayoy amin iran maabig a bengatla ya insipan to. Asumpal ya amin iray insipan to; anggapoy ag agawa.

Josue 23:14 Iomraidhean Croise

Genesis 47:29

Nen asingger lan ompatey, impatawag toy anak ton Jose tan inkuantod sikato, “Iyan moy limam ed nanleetan na saray ulpok tan isipan mo ya ag mo ak ipopompon ed Egipto.

1 Saray Arari 2:2

Inkuanto, “Magano lay ipatey ko. Pabiskeg moy linawam tan ipanengneng mon laki ka;

1 Saray Arari 8:56

“Nadayew komun so Katawan ya angiter na kareenan ed saray totoo to, onung na insipan to. Sinumpal ton amin iray maabig ya insipan to diad panamegley na aripen ton si Moises.

Say Libro nen Job 30:23

Amtak ya iyaakar mo ak la ed patey, say pansumpalan na amin a mabilay.

Exodo 3:8

kanyan linmasur ak, ta iyagel ko rad saray Egipsio, tan itaynan ko ra manlapud saman a dalin; insan ko ra iyakar ed mataba tan maawang a dalin, sakey a dalin a panagagosay gatas tan dilo, a panaayaman natan na saray Cananeo tan Heteo, saray Amorreo tan Perezeo, saray Heveo tan Jebuseo.

Ecclesiastes 12:5

Ontakot ka ed atagey iran pasen, tan ag mo la nayarian so manakar a mambukbukor. Ompoti so buek na olom, tan kerengkereng ka met lan manakar. Naandi lad sikay amin a pilalek. Onla itayo ed andi-anggaan a panayaman tayo tan diad saray dalan narengel iray kanta na kaermenan.

Ecclesiastes 9:10

Antokaman a gawaen mo gawam ed anggaay nayarian mo, lapud anggapo lay kimey, kanunotan, pakatalus, tan kakabatan ed pasen a kawalaan da ray inaatey a dimay laen mo.

Ezekiel 20:28

Inyakar ko rad dalin ya insipan kon iter ed sikara. Nen anengneng da ray atagey a pokdul tan saray masalumpapak a kiew, nambabagatan da ran amin. Impanpasnuk da ak diad panamegley na saray bagat a pinopoolan da tan diad saray alak ya inyaakar dan bagat.

Saray Bilang 23:19

Say Dios et aliwan singa saray totoo a mantila; Aliwan singa too a mangoman na kanunotan to. No antoy insipan to tooren to; No antoy imbaga to sumpalen to.

Lucas 21:33

Naandipat so tawen tan dalin, balet ag balut naandipat iray salitak.”

Saray Hebreo 9:27

Nigetar ed balang too a maminsan ya ompatey, tan kasumpal to sintinsiaan na Dios.

1 Samuel 3:19

Legan ya ombabaleg si Samuel, walad sikatoy Katawan tan pinapatua to ray amin ya imbabaga nen Samuel.