Josue 22:6 - Maung A Balita Biblia

^6-8 Pinasempet ira nen Josue kayari to ran binindisionan tan binilin: “Mayamyaman kayon onsempet; amayamay iray ayayep, pilak, balituk, gansa, balatyang tan kawes yo. Pinabang yo ray katribuwan yo na saray asamsam yod saray kalaban yo.” Insan la ra sinmempet. Si Moises inter to so dalin a walad bokig na Jordan ed kapalduay tribu nen Manases, balet si Josue inter tod kapaldua na sayan tribu tan diad saray arum a tribu so dalin a walad sagur na Jordan.

Maung a Balita Biblia

^6-8 Pinasempet ira nen Josue kayari to ran binindisionan tan binilin: Mayamyaman kayon onsempet; amayamay iray ayayep, pilak, balituk, gansa, balatyang tan kawes yo. Pinabang yo ray katribuwan yo na saray asamsam yod saray kalaban yo. Insan la ra sinmempet. Si Moises inter to so dalin a walad bokig na Jordan ed kapalduay tribu nen Manases, balet si Josue inter tod kapaldua na sayan tribu tan diad saray arum a tribu so dalin a walad sagur na Jordan.

Josue 22:6 Iomraidhean Croise

Genesis 14:19

binindisionan to, tan inkuanto, “Say Sankatageyan a Dios ya amalsay tawen tan dalin et bindisionan to komuy Abram.

Genesis 47:10

Kasakbayan ya inmalis si Jacob binindisionan to may ari, insan la linma.

Genesis 47:7

Insan inyakar nen Jose ed ari so ama to. Si Jacob initdan toy ari na bindision to.

2 Samuel 6:18

Kayari ton angibagat, binindisionan tod ngaran na Katawan a Makapanyarin-amin iray totoo,

2 Samuel 6:19

tan binunogan to ran amin na kakanen. Initdan toy balang sakey a laki tan balang sakey a bii ed Israel na sakey a tinapay, sakey a tegteg ya inkalut a karni, tan pigaran pasas. Insan sinmempet lay balang sakey.

2 Samuel 6:20

Ag abayag sinmempet met lay David a mangilugay ed pamilya to. Pinmaway ya onabet ed sikato si Micol tan inkuanto, “Sayan agew ontan lay impangitanduro na arid Israel ed sikaton dili! Singa ambagel a lakseb ed arap da ray bibiin managlingkur na saray opisyal to!”

1 Saray Arari 8:66

Diad kumawalon agew, pinasempet la nen Solomon iray totoo. Inggalang na amin a totoo si Ari Solomon tan sinmempet iran maliket lapud amin a bindision ya inter na Katawan ed aripen ton David tan saray totoo ton Israelita.

2 Saray Awaran 30:18

Amayamay met ed saray totoon nanlapud tribu di Efraim, Manases, Isacar, tan Zabulon so ag nanlinis na sikaran dili onung ed ganggan, kanyan aliwan manepeg so pansisilibra rad Paskua. Kanyan impikasi ra nen Ezekias:

Exodo 39:43

Inapiapiger iran ninengneng nen Moises, et anengneng ton ginawa ray amin a bengatla, onung na ingganggan na Katawan. Kanyan binindisionan nen Moises ray totoo.

Lucas 2:34

Binindisionan nen Simeon, tan inkuantod Maria ya ina nen Jesus, “Pinili na Dios yan ogaw a kaderalan o kilabanan na dakel a totood Israel. Sikatoy sakey a tandan manlapud Dios, balet sumpaen na amayamay a totoo,

Lucas 24:50

Inyakar to rad satan ed paway na siudad. Kasabi rad Betania, intagey to ray lima to tan binindisionan to ra.

Josue 14:13

Binindisionan nen Josue si Caleb a lakin anak nen Jefone tan inter tod sikato so siudad na Hebron.

Josue 24:28

Insan imbaki la nen Josue iray totoo, et pinmawil lad dilin betang ton dalin so balang sakey a too.

1 Samuel 10:25

Impaliwawa nen Samuel ed saray totoo iray kanepegan tan saray kimey na sakey ya ari, insulat to rad sakey a libro, tan insinup to ed sakey a masanton pasen. Insan to la pinasempet iray totoo ed kaabungan da.

1 Samuel 13:2

Amili si Saul na talon libon lalakin taga Israel: say duan libo kaiba to ra diad Micmas tan diad nipokdul a dalin na Betel, tan say sanlibo kaiba ra nen Jonatan diad Gabaa, diad dalin a sakop na tribu nen Benjamin. Pinasempet la nen Saul iray arum a lalaki.

1 Samuel 2:20

Insan bindisionan nen Eli si Elcana tan si asawa to, tan ikuantod Elcana, “Iyabuloy komun na Katawan a makaanak ka nid sayan bii, pian walay mangalay pasen na anak yon insaklang yod Katawan.” Kayari to ya, onsempet la ra.