Josue 22:4 - Maung A Balita Biblia

⁴ Onung na insipan na Katawan a Dios yo initdan to na kareenan iray kapara yon Israelita. Sempet kayo natan sirin ed dalin a kayaryan yo, say dalin ed bokig na Jordan ya inter ed sikayo nen Moises ya aripen na Katawan.

Maung a Balita Biblia

⁴ Onung na insipan na Katawan a Dios yo initdan to na kareenan iray kapara yon Israelita. Sempet kayo natan sirin ed dalin a kayaryan yo, say dalin ed bokig na Jordan ya inter ed sikayo nen Moises ya aripen na Katawan.

Josue 22:4 Iomraidhean Croise

1 Saray Awaran 22:18

Inkuanto, “Walad sikayoy Katawan a Dios yo tan initdan to kayoy kareenan ed kaliber-liber yo. Impadakep tod siak iray amin a totoon nanaayam ed sayan dalin, tan wala la rad silong na pakaoley yo tan diad Katawan.

Exodo 33:14

Say Katawan kuanto, “Mila ak ed sikayo, tan panaloen ta kayo.”

Saray Bilang 32:18

Ag kami dia ompawil ya anggad saray arum ya Israelita et nakayaryan da so dalin a nipabetang ed sikara.

Deuteronomio 12:9

lapud ag kayo ni akaloob ed dalin ya iiter ed sikayo na Katawan a Dios yo, a diman kayo makapambilay ya arawid kaatapan.

Deuteronomio 29:8

inala tayoy dalin da, tan inapag tayod saray tribu nen Ruben tan Gad, tan diad kapaldua na tribu nen Manases.

Deuteronomio 3:20

Tulongan yo ray kapara yon Israelita ya anggad nasakop da lay dalin ya iter ed sikara na Katawan diad sagur na Jordan tan anggad napanayam la rad man na Katawan ya anggapo lay manigensigen ed sikara, a singa ginawa to la diad sikayo. Kayari to ya, nayarian yo lay ompawil ed sayan dalin ya impabetang kod sikayo.’

Saray Hebreo 4:8

No niiter nen Josue ed saray totoo so painawan insipay Dios, ag la komun sinalitay Dios so nipaakar ed sakey nin agew a panagpainawa.

Josue 1:15

anggad nasakop day dalin a sagur na Jordan, say dalin ya inter ed sikara na Katawan a Dios yo. No nilira to la ran maligen iray amin a tribu na Israel, ompawil kayo lad satan dia tan manayam kayo lad dalin yod bokig na Jordan ya inter ed sikayo nen Moises ya aripen na Katawan.”

Josue 12:6

Tinalo nen Moises tan saray Israelita ira yan duaran arari. Si Moises ya aripen na Katawan impabetang to ra yan dalin ed saray tribu di Ruben, Gad, tan kapaldua na tribu nen Manases.

Josue 13:15

Si Moises initdan to na sakey a parti na dalin iray pamilya na tribu nen Ruben.

Josue 13:8

Saray tribu di Ruben tan Gad tan say kapalduan tribu nen Manases et naawat da lay dalin ya inter ed sikara nen Moises ya aripen na Katawan; say dalin da et walad nibokig na Ilog na Jordan.

Josue 22:3

Nanlapud la nen saman ya anggad natan ag yon balut ikakaindan iray kapara yon Israelita. Pampepelengan yon oonuren iray ganggan na Katawan a Dios yo.